Vivo Y91i ભારતમાં લૉન્ચ, કિંમત અને ફિચર્સ જાણીને ખુશ થઇ જશો

વીવોએ શુક્રવારે પોતાના એક નવા સ્માર્ટફોન Vivo Y91iને ભારતમાં લૉન્ચ કર્યો છે. શરૂઆતમાં આ સ્માર્ટફોન ઑફલાઇન સ્ટોર પર ઉપલબ્ધ થશે. તેની ખાસ વાત એ છે કે તેમાં 6.22 ઇંચ એચડી પ્લસ ડ્યૂડ્રોપ ડિસ્પ્લે આપવામાં આવી છે. ભારતમાં તેની કિંમત 7,990 રૂપિયા છે. આ કિંમત તેના 16 જીબી સ્ટોરેજ વેરિએન્ટની છે. સાથે જ તેના 32જીબી સ્ટોરેજની કિંમત 8,490 રૂપિયામાં વેચાણ માટે ઉપલબ્ધ થશે.

આ સ્માર્ટફોનમાં ફ્યૂઝન બ્લેક અને ઓશિયન બ્લૂ કલર ઓપ્શન મળશે. હાલ તેની જાણકારી મળી નથી કે ઓનલાઇન સ્ટોર પર આ સ્માર્ટફોન ક્યારે ઉપલબ્ધ થશે.

Vivo Y91iના ફિચર્સ

ડ્યુઅલ નેનો સિમ સપોર્ટ વાળો Vivo Y91i એન્ડ્રોઇ 8.1 ઓરિયો બેઝ્ડ ફનટચ OS 4.5 પર કામ કરે છે. તેમાં 19:9 રેશિયો સાથે 6.22 ઇંચ એચડી પ્લસ ફુલ ઇન સેલ ડિસ્પ્લે આપવામાં આવી છે. આ સ્માર્ટફોનમાં 2જીબી રેમ સાથે ઓક્ટા કોર મીડિયા ટેક હિલિયો પી22 પ્રોસેસર છે.

ફોટોગ્રાફી માટે તેમાં 13 મેગાપિક્સલનો કેમેરા આપવામાં આવ્યો છે. તેમાં એલઇડી ફ્લેશ પણ છે. તેના ફ્રન્ટમાં 5 મેગાપિક્સલનો કેમેરા સેલ્ફી માટે આપવામાં આવ્યો છે.

Vivo Y91iની ઇન્ટરનલ મેમરી 16GB/32GBની આપવામાં આવી છે. તેને કાર્ડની મદદથી વધારી શકાય છે. કનેક્ટિવીટી માટે અહીં 4G LTE, Wi-Fi, બ્લૂટૂથ v5.0, GPS/ A-GPS, FM રેડિયો, માઇક્રો-USB અને એક 3.5mm હેડફોન જેકનો સપોર્ટ છે. આ સ્માર્ટફોનમાં 4,030mAhની બેટરી છે.

Read Also

ADVERTISEMENT
GSTVના લેટેસ્ટ News અને Videos માટે લાઈક કરો Youtube Twitter