VIDEO/ ખેતરથી ઘર સુધીનું અંતર ઘટશે: વિજયવાડાના નાગરિકો માટે ઘરબેઠાં તાજા ફળો-શાકભાજી મંગાવવાની સુવિધા

આંધ્રપ્રદેશના વિજયવાડામાં રહેતા નાગરિકો માટે રાહતના સમાચાર છે. ગ્રાહકોને તાજા શાકભાજી અને ફળો સીધા ખેતરોમાંથી તેમના ઘર સુધી પહોંચાડવા માટે ડિજિટલ રાયથુ બજાર સેવા સત્તાવાર રીતે શરૂ કરવામાં આવી છે. આ પહેલથી લોકોએ હવે ભીડભાડવાળા બજારોમાં જવાની જરૂર નહીં રહે. પ્રોજેક્ટ મેનેજર વેણુએ જણાવ્યું હતું કે આ પ્લેટફોર્મ ખેડૂતો અને ગ્રાહકો વચ્ચેના અંતરને ઘટાડવા માટે તૈયાર કરવામાં આવ્યું છે. ગ્રાહકો મોબાઈલ એપ અથવા ઓનલાઈન પોર્ટલ દ્વારા ઓર્ડર આપી શકશે, જેનાથી વચેટિયાઓની ભૂમિકા નાબૂદ થશે અને ખેડૂતોને યોગ્ય ભાવ મળશે.