Dominican news/ VIDEO: લાઈવ કોન્સર્ટ દરમિયાન નાઈટ ક્લબની છત તૂટી પડી, 79 લોકોના મોત 155થી વધુ ઘાયલ

ડોમિનિકન રિપબ્લિકની રાજધાની સેન્ટો ડોમિંગોમાં ભયાનક અકસ્માતના અહેવાલ સામે આવ્યા છે. સેન્ટો ડોમિંગોના પ્રખ્યાત  જેટ સેટ નાઈટક્લબની છત અચાનક તૂટી પડી હતી.  આ અકસ્માતમાં 79 લોકોના મોત નિપજ્યા હતા અને  160 લોકો ઘાયલ થયા હતા. ઘટના સમયે નાઈટક્લબમાં લાઈવ મ્યુઝિક પર્ફોર્મન્સ ચાલી રહ્યું હતું, જેના કારણે ત્યાં ભારે ભીડ હતી. દુર્ઘટનાની જાણ થતાં જ રેસ્ક્યું ટીમ દુર્ઘટના સ્થળ પર પહોંચી હતી. કાટમાળમાં, ક્લબમાં ફસાયેલા લોકોને બચાવવાના પ્રયાસો રેસ્ક્યું ટીમ દ્વારા કરવામાં આવી રહ્યા છે.

 79 લોકો માર્યા ગયા અને 160 લોકો ઘાયલ થયા

મંગળવારે વહેલી સવારે મેરેંગ્યુ મ્યુઝિક કોન્સર્ટમાં થયેલા વિસ્ફોટમાં ઓછામાં ઓછા 79 લોકો માર્યા ગયા અને 160 લોકો ઘાયલ થયા, એમ અધિકારીઓએ જણાવ્યું હતું. આમાં રાજકારણીઓ, રમતવીરો અને અન્ય લોકોનો સમાવેશ થતો હતો.

નાઈટક્લબની છત ધરાશાયી થયાના લગભગ 12 કલાક પછી પણ, બચાવ ટીમો કાટમાળ નીચેથી બચી ગયેલા લોકોને બહાર કાઢી રહી હતી. કોંક્રિટ તોડવાના ડ્રીલના અવાજથી હવા ગુંજી ઉઠી હોવાથી અગ્નિશામકોએ તૂટેલા કોંક્રિટના બ્લોક્સ દૂર કર્યા અને ભારે કાટમાળ ઉપાડવા માટે લાકડાના ટુકડાઓનો ઉપયોગ કર્યો.

ભૂતપૂર્વ MLB પિચર ઓક્ટાવિયો ડોટેલ નું પણ મૃત્યુ

સેન્ટો ડોમિંગોમાં એક માળના જેટ સેટ નાઇટક્લબમાં કાટમાળમાં બચી ગયેલા સંભવિત લોકોને શોધવા માટે ક્રૂ કામ કરી રહ્યા હતા, એમ સેન્ટર ઓફ ઇમરજન્સી ઓપરેશન્સના ડિરેક્ટર જુઆન મેન્યુઅલ મેન્ડેઝે જણાવ્યું હતું. ડોમિનિકન રિપબ્લિકની પ્રોફેશનલ બેઝબોલ લીગએ X પર પોસ્ટ કર્યું કે ભૂતપૂર્વ MLB પિચર ઓક્ટાવિયો ડોટેલ નું પણ મૃત્યુ થયું. અધિકારીઓએ ડોટેલને કાટમાળમાંથી બહાર કાઢ્યો હતો અને હોસ્પિટલમાં લાવ્યા હતા. લીગના પ્રવક્તા સાતોસ્કી ટેરેરોએ જણાવ્યું હતું કે ડોમિનિકન બેઝબોલ ખેલાડી ટોની એનરિક બ્લેન્કો કાબ્રેરાનું પણ મૃત્યુ થયું હતું. અધિકારીઓએ જણાવ્યું હતું કે રાષ્ટ્રીય ધારાસભ્ય બ્રે વર્ગાસનો પણ  ઘાયલ થયા છે.

ઉત્તરપશ્ચિમ રાજ્ય મોન્ટેક્રિસ્ટીના ગવર્નર અને સાત વખતના મેજર લીગ બેઝબોલ ઓલ-સ્ટાર નેલ્સન ક્રુઝની બહેન નેલ્સી ક્રુઝ પણ પીડિતોમાં સામેલ હતી. તેણીએ બપોરે ૧૨:૪૯ વાગ્યે રાષ્ટ્રપતિ લુઈસ એબિનાડરને ફોન કરીને જણાવ્યું કે તે ક્લબમાં ફસાઈ ગઈ છે. ત્યારાબાદ રેસ્કયું ટીમે ગંભીર રીતે ઘાયલ  ક્રુઝને  હોસ્પિટલમાં ખસેડી હતી. હોસ્પિટલમાં ટૂંકી સારવાર બાદ ક્રુઝનું મોત નિપજ્યું હતું. 

ટીમના  સેક્સોફોન આર્ટીસ્ટનું મોત

છત તૂટી પડી ત્યારે પરફોર્મ કરી રહેલા મેરેંગ્યુ ગાયક રૂબી પેરેઝના સંબંધીઓએ શરૂઆતમાં કહ્યું હતું કે તેમને બચાવી લેવામાં આવ્યા છે. પરંતુ  પાછળથી જાણ થઈ હતી કે તે સાચું નથી, કહ્યું કે બચાવ ટીમો હજુ પણ પેરેઝને શોધી રહી છે. પેરેઝના મેનેજર જેનું નામ એનરિક પૌલિનો છે તેઓ કણસતી હાલતમાં મળ્યા હતા.  જેમનો શર્ટ લોહીથી લથપથ હતો. તેમણે કહ્યું કે કોન્સર્ટ મધ્યરાત્રિના થોડા સમય પહેલા શરૂ થયો હતો. કોન્સર્ટ શરૂ થયાના લગભગ એક કલાક પછી છત તૂટી પડી હતી. આ દુર્ઘટનામાં ટીમના સેક્સોફોન આર્ટીસ્ટનું મોત નિપજ્યું હતું.

ક્લબની બહાર એક અધિકારી મેગાફોન લઈને ઉભા હતા અને મિત્રો અને સંબંધીઓને શોધવા માટે ભેગા થયેલા મોટા ટોળાને વિનંતી કરી રહ્યા હતા કે તેઓ એમ્બ્યુલન્સ માટે જગ્યા આપે. અધિકારી મેગાફોનથી એનાઉસમેન્ટ કરી રહ્યા હતા કે  "કૃપા કરીને તમારે અધિકારીઓને સહકાર આપવો પડશે." "અમે લોકોને દૂર કરી રહ્યા છીએ." એક હોસ્પિટલમાં જ્યાં ઘાયલોને લઈ જવામાં આવ્યા હતા, ત્યાં એક અધિકારી બહાર ઉભા રહીને બચી ગયેલા લોકોના નામ મોટેથી વાંચી રહ્યા હતા, જ્યારે ભીડ તેમની આસપાસ એકઠી થઈ ગઈ હતી અને તેમના પ્રિયજનોના નામ બૂમ પાડી રહ્યા હતા.

દરમિયાન, નેશનલ ઇન્સ્ટિટ્યૂટ ઓફ ફોરેન્સિક પેથોલોજી ખાતે ડઝનબંધ લોકો એકઠા થયા હતા, જેણે પીડિતોના ફોટા શેર કર્યા હતા જેથી તેમના પ્રિયજનો તેમને ઓળખી શકે