VIDEO: ધોરણ 12 સાયન્સની પરીક્ષામાં અંતરિયાળ વિસ્તારનું આ કેન્દ્ર સમગ્ર રાજ્યમાં પ્રથમ સ્થાને

બનાસકાંઠાના અંબાજી નજીક આવેલા કુંભારિયા કેન્દ્રએ શિક્ષણ જગતમાં ફરી એકવાર ડંકો વગાડ્યો છે. માર્ચ મહિનામાં લેવાયેલી ધોરણ 12 સાયન્સની પરીક્ષામાં કુંભારિયા કેન્દ્ર 98.62% પરિણામ સાથે સમગ્ર રાજ્યમાં અવ્વલ રહ્યું છે. નોંધનીય છે કે આ કેન્દ્રએ સફળતાની હેટ્રિક સર્જી છે. વર્ષ 2023 અને 2024 બાદ હવે 2026 માં પણ કુંભારિયા કેન્દ્ર ગુજરાતમાં પ્રથમ સ્થાને રહ્યું છે. આ ઐતિહાસિક સિદ્ધિને પગલે શાળા પરિવાર અને સમગ્ર પંથકમાં ખુશીની લહેર દોડી ગઈ છે. પરિણામ જાહેર થતા જ શાળાના આચાર્ય, શિક્ષકો અને વિદ્યાર્થીઓએ એકબીજાના મોઢા મીઠા કરાવી વિજયોત્સવ મનાવ્યો હતો. શિસ્તબદ્ધ વાતાવરણ અને શિક્ષકોની મહેનતને આ સફળતાનું શ્રેય આપવામાં આવી રહ્યું છે. અંતરિયાળ વિસ્તાર હોવા છતાં કુંભારિયા કેન્દ્રે સતત ત્રીજી વાર પ્રથમ આવીને રાજ્યમાં એક નવો કીર્તિમાન સ્થાપ્યો છે.