VIDEO: ગુજરાતમાં ૮ અને ૯ ઓગસ્ટે ભારે વરસાદની આગાહી, હવામાન વિભાગનું યલો એલર્ટ

રાજ્યમાં મોન્સૂન ટ્રફ અને વેસ્ટર્ન ડિસ્ટર્બન્સ સક્રિય થતાં હવામાન વિભાગ દ્વારા સાર્વત્રિક વરસાદની આગાહી કરવામાં આવી છે. ૮ અને ૯ ઓગસ્ટના રોજ રાજ્યમાં ભારે વરસાદની સંભાવનાને પગલે યલો એલર્ટ જાહેર કરાયું છે. ૬ અને ૭ ઓગસ્ટ દરમિયાન દક્ષિણ અને મધ્ય ગુજરાતના વડોદરા, છોટાઉદેપુર, નર્મદા, ભરૂચ, સુરત, તાપી, નવસારી, વલસાડ, ડાંગ અને દમણ-દાદરા નગર હવેલી સહિતના જિલ્લાઓમાં હળવાથી મધ્યમ વરસાદની શક્યતા છે. જ્યારે ૮ ઓગસ્ટે સાબરકાંઠા અને અરવલ્લી, તથા ૯ ઓગસ્ટે બનાસકાંઠા (વાવ, થરાદ), સાબરકાંઠા અને અરવલ્લીમાં ભારે વરસાદની આગાહી સાથે યલો એલર્ટ અપાયું છે. આગામી દિવસોમાં ખરાબ હવામાન અને પવનની ગતિને ધ્યાનમાં રાખીને માછીમારોને દરિયો ન ખેડવા માટે ખાસ સૂચના આપવામાં આવી છે.