VIDEO: કેનેડાના લેખકને સાહિત્યનું નોબેલનું સન્માન

કેનેડાના કવયિત્રી, નિબંધકાર અને ક્લાસિકલ સાહિત્યના વિદુષી એન કાર્સનને વર્ષ ૨૦૨૬નો સાહિત્યનો નોબેલ પુરસ્કાર એનાયત કરવામાં આવ્યો છે. નોબેલ સમિતિએ જણાવ્યું કે કાર્સનને તેમના સાહસિક અને નવીન લેખન માટે આ એવોર્ડ આપવામાં આવ્યો છે, જેમણે ક્લાસિકલ પરંપરા સાથે રસપ્રદ સંવાદ સાધીને સમકાલીન સાહિત્યને નવું સ્વરૂપ આપ્યું છે.  એવોર્ડની જાહેરાત પહેલાં ચીનના લેખિકા કેન શુએ સટ્ટાબજારમાં સૌથી આગળ ચાલી રહ્યા હતા.  આ ઉપરાંત, જાપાનના પ્રખ્યાત લેખક હારુકી મુરાકામી પણ મુખ્ય દાવેદારોમાં સામેલ હતા. ઓસ્ટ્રેલિયાના જેરાલ્ડ મર્નેન, અમેરિકાના થોમસ પિંચન  તથા મેક્સિકોની ક્રિસ્ટીના રિવેરા ગાર્સા, કેનેડાની માર્ગરેટ એટવુડ, ફ્રાન્સના મિશેલ ઉઅલબેક અને રશિયાની લ્યુડમિલા ઉલિત્સ્કાયા જેવા દિગ્ગજ લેખકોના નામો પણ ચર્ચામાં હતા.