VIDEO: અમૃતસર: એસજીપીસી પ્રમુખ હરજિન્દર સિંહ ધામી સામે શિખ સંગઠનોનો વિરોધ

પંજાબના અમૃતસરમાં શિખ મર્યાદાના કથિત ઉલ્લંઘન મામલે શિખ સંગઠનો દ્વારા શિરોમણી ગુરુદ્વારા પ્રબંધક સમિતિ ના પ્રમુખ હરજિન્દર સિંહ ધામી વિરુદ્ધ જોરદાર પ્રદર્શન કરવામાં આવ્યું છે. રોષે ભરાયેલા પ્રદર્શનકારીઓએ અમૃતસરના પ્રવેશદ્વાર ગણાતા ગોલ્ડન ગેટ પાસે એકત્ર થઈને એસજીપીસી પ્રમુખ વિરુદ્ધ સૂત્રોચ્ચાર કર્યા હતા અને તેમનું પૂતળું ફૂંક્યું હતું. વિવિધ શિખ સંગઠનોના નેતાઓનો આરોપ છે કે વર્તમાન નેતૃત્વ હેઠળ શિખ ધાર્મિક પરંપરાઓ અને મર્યાદાઓની ઉપેક્ષા કરવામાં આવી રહી છે, જે સમુદાય માટે અસહ્ય છે. આ તણાવપૂર્ણ સ્થિતિને પગલે ગોલ્ડન ગેટ અને આસપાસના વિસ્તારોમાં મોટી સંખ્યામાં પોલીસ બંદોબસ્ત તૈનાત કરી દેવામાં આવ્યો હતો. વિરોધ કરી રહેલા સંગઠનોએ ચેતવણી આપી છે કે જો આ મામલે યોગ્ય સુધારા કરવામાં નહીં આવે તો આગામી દિવસોમાં આંદોલન વધુ ઉગ્ર બનાવવામાં આવશે.