VIDEO: રેપિડોનો ઉપયોગ કરી ચોરી કરનાર આરોપી ઝડપાયો

અમદાવાદના મણિનગરમાં રેપિડો બાઇકનો ઉપયોગ કરી ચોરી કરનાર આરોપી ઝડપાયો છે...તેની પાસેથી ચોરી થયેલી તમામ રોકડ રકમ પણ રિકવર કરાઈ છે.. ગત ૪ એપ્રિલના રોજ કાંકરિયા તળાવ નજીકના એક ગોડાઉનમાંથી ૬ લાખ રૂપિયાની રોકડ રકમની ચોરી થઈ હોવાની ફરિયાદ નોંધાઈ હતી. આરોપી ગુનો આચરવા માટે અને ભાગી જવા માટે રેપિડો બાઇકનો ઉપયોગ કરતો હતો. પકડાઈ ન જાય તે માટે આરોપી રેપિડો બાઇક બુક કરાવીને અલગ-અલગ સ્થળોએ ઊતરી જતો હતો જેથી પોલીસ તેનું લોકેશન ટ્રેસ ન કરી શકે. પૂછપરછમાં સામે આવ્યું છે કે આરોપી અગાઉ આ જ ગોડાઉનમાં નોકરી કરતો હતો. આ કારણે તે ગોડાઉનની તમામ ગતિવિધિઓ અને સ્થળની સંપૂર્ણ જાણકારી ધરાવતો હતો, જેનો લાભ ઉઠાવીને તેણે આ ચોરીને અંજામ આપ્યો હતો.