પૂરપાટ ઝડપે જતા વાહનો કેટલો ભયંકર અકસ્માત સર્જી શકે છે તેની વધુ એક ઘટના બનાસકાંઠાના ડીસા ભીલડી હાઈવે પર જોવા મળી. અહીં હાઈવે પર આવેલી વસંત હોટલ પાસે પુરપાટ ઝડપે આવી રહેલા જીપડાલાએ બાઈકને અડફેટે લેતાં બાઈક પર સવાર માતા પિતા અને તેમનો બાળક રસ્તા પર ફંગોળાયા હતા.
વાહનની ટક્કર એટલી જોરદાર હતી કે બાઈક દૂર સુધી ઢસડાયુ હતુ. આ દૂર્ઘટનામાં માતા પિતાને ગંભીર ઈજાઓ પહોંચી છે. પરંતુ નાના બાળકનો આબાદ બચાવ થયો છે. અકસ્માત થયા બાદ તુરંત જ નાનુ બાળક પોતાની માતા પાસે પહોંચે છે. તો બીજી તરફ જે જીપડાલાએ બાઈકને ટક્કર માર્યા બાદ આ વાહન પણ આગળ જતાં બેલેન્સ ગુમાવતુ નજરે પડે છે. હીટ એન્ડ રનની ઘટનાને પગલે આસપાસના લોકોએ ઘાયલોને સારવાર માટે હોસ્પિટલમા ખસેડ્યા છે. જ્યારે ટક્કર મારીને ફરાર થઈ જનાર વાહન ચાલકની શોધખોળ હાથ ધરી છે.