GSTV

અઘરી ટેક્નોલોજી / સ્વચલિત ડ્રાઇવર લેસ ટેસ્લા ગાડીએ પોલીસની જ ગાડીને મારી દીધી ટક્કર

Last Updated on August 31, 2021 by Vishvesh Dave

જો તમને પણ મોંઘી કારનો શોખ છે તો તમને એલન મસ્કની (Elon Musk) ટેસ્લા (Tesla) તો ખબર જ હશે. ટેસ્લાને દુનિયાભરમાં શાનદાર કાર બનાવવા માટે ઓળખવામાં આવે છે. ટેસ્લાની કારમાં એવી ટેક્નોલોજીનો ઉપયોગ કરવામાં આવે છે જેવી દુનિયામાં ક્યાંય જોવા પણ ન મળે. તેમની કેટલીક કાર તો ડ્રાઇવર લેસ હોય છે અને કંપનીનો દાવો છે કે તેમની કાર ડ્રાઇવર વગર પણ સારી રીતે ચાલી શકે છે.

હાલમાં ફરીથી ટેસ્લા તેના ઓટો પાયલટ મોડની ખામીને લઇને ચર્ચામાં છે. ખરેખર આ વખતે ટેસ્લા કારે પોલીસની કારને જ ટક્કર મારી દીધી છે. આ ઘટના ત્યારે બની જ્યારે અમેરીકાના ફ્લોરિડામાં એક વ્યક્તિ ઓટો પાયલટ મોડ પર પોતાની ટેસ્લા ચલાવી રહ્યો હતો. આ દરમિયાન જ તેની કાર જઇને પોલીસની ગાડી સાથે ટકરાઈ ગઇ. પોલીસની કાર તે સમયે સાઇડ પર ઉભી હતી. જ્યારે આ અકસ્માત થયો ત્યારે સવારના 5 વાગ્યા હતા.

સાઇડ પર ઉભેલી પોલીસની કારની ઇમરજન્સી લાઇટ ચાલુ હોવા છતા ટેસ્લાએ તેને ટક્કર મારી દીધી. જ્યારે તેમની કાર સાથે ટેસ્લા ટકરાઈ તો તેઓ તેમાં ફસાઇ ગયા અને ગાડીને ચલાવી રહેલા 27 વર્ષના યુવકને થોડી ઇજા થઇ છે. આ પહેલા પણ એવુ ઘણી વાર થઇ ચૂક્યુ છે કે ટેસ્લાનો ઓટો પાયલટ મોડને કારણે અકસ્માત થયો હોય. આ જ કારણ છે કે ટેસ્લાની ટેક્નોલોજીને લઇને ચર્ચાઓ થતી રહે છે.

તમને જણાવી દઇએ કે આ પહેલી વાર નથી કે જ્યારે ટેસ્લાના કારણે કોઇ અકસ્માત થયો હોય. આના પહેલા 2018 માં 11 કારોની એક સાથે ટક્કર થઇ હતી. તે સમયે પણ ટેસ્લા ઓટો પાયલટ મોડ પર ચાલી રહી હતી. આ ઘટનામાં 17 લોકો ઘાયલ થયા હતા, તેમજ એક વ્યક્તિનું મોત થયુ હતું. આ સિવાય પણ બીજા ઘણા બધા મામલાઓ છે જેમાં ટેસ્લાના ઓટો પાયલટ મોડને કારણે અકસ્માત થયા હોય.

ALSO READ

Related posts

Omicron symptoms/ સામે આવ્યા ઓમિક્રોનના તમામ 20 લક્ષણો, જાણો કેટલા દિવસ સુધી શરીરમાં ઘર કરીને રહે છે આ વેરિએન્ટ

Bansari

Corona Effect/ કોરોના પછી બદલાઈ ગયો માતાના દૂધનો કલર, પરિવર્તન જોઈ ચોકી ગઈ મહિલા

Damini Patel

વાસ્તુ ટિપ્સ/ ભૂલથી પણ ઘરમાં આવું કેલેન્ડર ના લગાવતાં, દિશાનું પણ ધ્યાન રાખજો નહીંતર અટકી જશે પ્રગતિ

Bansari
Do NOT follow this link or you will be banned from the site!