હાલમાં ભારત જેવા દેશમાં લગભગ 400 મિલિયન લોકો ફીચર ફોન વપરાશકર્તાઓ છે. મતલબ કે આ લોકો પાસે ઈન્ટરનેટની સુવિધા નથી. ઉપરાંત, તે લોકો સ્માર્ટફોનનો ઉપયોગ નથી કરતા. આવા તમામ લોકોને ઓનલાઈન પેમેન્ટ સુવિધા સાથે જોડવા માટે, ભારતીય રિઝર્વ બેંક (RBI) દ્વારા UPI123Pay નામની સુવિધા શરૂ કરવામાં આવી છે. આની મદદથી ઈન્ટરનેટ અને સ્માર્ટફોન વગર પણ ઓનલાઈન ટ્રાન્ઝેક્શન કરી શકાશે. આ 27*7 હેલ્પલાઇન સુવિધા છે. આનાથી ગ્રામીણ વિસ્તારોમાં રહેતા વપરાશકર્તાઓને ઘણો ફાયદો થવાની અપેક્ષા છે.
ઓનલાઈન પેમેન્ટ માટે કયા દસ્તાવેજોની જરૂર પડશે
ફીચર ફોન દ્વારા ઓનલાઈન ટ્રાન્ઝેક્શન કરવા માટે, બેંક એકાઉન્ટને ફીચર ફોન સાથે લિંક કરવું પડશે. વપરાશકર્તાઓએ તેમના ડેબિટ કાર્ડની વિગતોનો ઉપયોગ કરીને તેમનો UPI પિન જનરેટ કરવાનો રહેશે. તે પછી તમે પેમેન્ટ કરી શકશો.
જાણો સંપૂર્ણ પ્રક્રિયા
- ફીચર ફોન યુઝરને સૌથી પહેલા IVR નંબર 08045163666 પર કોલ કરવાનો રહેશે.
- તમારા બેંક ખાતાની વિગતો આપો જેના દ્વારા તમારે UPI ID બનાવવાનું છે.
- તમને પિન સેટ કરવા માટે કહેવામાં આવશે.
- આ પછી, તમારા રજિસ્ટર્ડ મોબાઇલ નંબર પર પ્રાપ્ત OTP દાખલ કરવો પડશે.
- 4 થી 6 નંબરનો પિન સેટ કરવાનો રહેશે.
- આ પછી તમને મની ટ્રાન્સફર, એલપીજી ગેસ રિફિલ, ફાસ્ટેગ રિચાર્જ, મોબાઈલ રિચાર્જ, ઈએમઆઈ રિપેમેન્ટ અને બેલેન્સ ચેક જેવા વિકલ્પો મળશે.
- જો તમે કોઈને પૈસા મોકલવા માંગો છો, તો મની ટ્રાન્સફર વિકલ્પ પસંદ કરો.
- હવે તમારે કોન્ટેક્ટ લિસ્ટમાંથી તે વ્યક્તિનો નંબર પસંદ કરવો પડશે જેને પૈસા મોકલવાના છે.
- હવે તમારે રકમ અને UPI પિન દાખલ કરવો પડશે. આ સાથે વ્યવહાર પૂર્ણ થશે. તેવી જ રીતે, કોઈપણ દુકાનદારને ચુકવણી કરી શકાય છે.