GSTV
World

Cases
3032910
Active
2416146
Recoverd
360303
Death
INDIA

Cases
89987
Active
71106
Recoverd
4706
Death

મોહસિન રજાએ કહ્યું, પ્રિયંકા ‘સાઈબેરિયન પક્ષી’ પૂછ્યું, અયોધ્યા શા માટે જઈ રહી છે ફિરોઝ જહાંગીરની પોતી?

priyanka gandhi

પ્રિયંકા ગાંધી વાડ્રાને જ્યારથી કોંગ્રેસના મહાસચિવ અને પૂર્વ ઉત્તર પ્રદેશના પ્રભારી નિયુક્ત કરવામાં આવ્યા છે ત્યારથી વિપક્ષ તેમના પર પ્રહાર કરવા માટે કોઈ કસર બાકી નથી રાખતું. હવે ઉત્તર પ્રદેશના મુખ્યમંત્રી યોગી આદિત્યનાથના મંત્રી અને અમેઠી જિલ્લાના પ્રભારી મોહસિન રજાએ પ્રિયંકા ગાંધીની અયોધ્યા યાત્રા પર નિશાનો સાધ્યો છે. મોહસિન રજાએ કહ્યું છે કે, ‘ફિરોઝ જહાંગીરની પોતી અયોધ્યા શા માટે જઈ રહી છે ?’

મોહસિન રજાએ કહ્યું કે, ‘અયોધ્યા તો શ્રીરામની જન્મભૂમિ છે અને શ્રીરામના અસ્તિત્વ પર સવાલ ઉઠાવનારા લોકો ત્યાં શું ખોજવા માટે આવ્યા છે ? મોહસિન રજાએ વધુમાં કહ્યું કે, પ્રિયંકા કુંભ ન ગઈ, બરસાનાની હોળીમાં ગઈ, અયોધ્યામાં દિપોત્સવ હતો ત્યારે ન ગઈ. લાગે છે તેમને બાબરની યાદ આવી ગઈ છે. બાબરના વધેલા નિશાન શોધવા માટે જઈ રહી છે.’

મોહસિન રજા આટલાથી ન અટક્યા અને અધૂરામાં પૂરૂ તેમણે એક જ દિવસમાં બધું બોલી નાખવું હોય તેમ પ્રિયંકા ગાંધીનું નામ લીધા વિના કહ્યું, ‘આ સાઈબેરિયન પક્ષી છે. આવતા જતા રહે છે અને વાતાવરણ જોઈ નીકળી જાય છે. કોંગ્રેસના લોકોની જે પ્રવૃતિ છે તે સાઈબેરિયન પક્ષી જેવી છે. મને લાગે છે કે હવે આ ડ્રામેબાઝીથી કંઈ થવાનું નથી.’

પ્રિયંકા ગાંધી અયોધ્યાની મુલાકાત લેવાના છે જેમના પર તેમણે કહ્યું કે, ‘કોઈ વાર ટ્રેનમાં સફર કરવો અને હોડીમાં બેસી અહીં તહીં જવું. જેમાં તેમને મોદીજીનું વિકાસ કાર્ય અચૂક દેખાશે. પિકનિક મનાવવી તેમની પ્રવૃતિ છે. અને તેઓ પિકનિક મનાવવા માટે આવતા જતા રહે છે.’

મહત્વપૂર્ણ છે કે પ્રિયંકા ગાંધીને ઉત્તર પ્રદેશના પ્રભારી નિયુક્ત કરવામાં આવ્યા તે વિસ્તારમાં નરેન્દ્ર મોદી અને યોગી આદિત્યનાથ જેવા કદાવર નેતાઓની લોકસભા સીટ આવેલી છે. જેથી તેમના પર પ્રહાર કરવાનું ભાજપના નેતાઓ અને કાર્યકરો બાકી નથી રાખતા. આજે ગુજરાતના વનમંત્રી ગણપત વસાવાએ પણ એક કાર્યક્રમમાં રાહુલ ગાંધી પર પ્રહાર કરતા કહેલું કે, તેઓ શંકરનો અવતાર હોય તો ઝેર પીવડાવો જેથી ગુજરાત કોંગ્રેસના કાર્યકરોએ તેમનો વિરોધ કર્યો હતો.

READ ALSO

Related posts

ગ્રીન ઝોન ધોરાજીમાં એક સાથે 6 કોરોના પોઝિટિવ કેસ સામે આવતા તંત્રમાં ફફડાટ

Nilesh Jethva

દિલ્હી અને એનસીઆરમાં 4.6 તિવ્રતાનો ભૂકંપ, ભૂકંપનું કેન્દ્ર બિંદુ હરિયાણાના રોહતકમાં

Nilesh Jethva

આણંદ જિલ્લામાં અચાનક હવામાન પલટાતા છવાયો વરસાદી માહોલ

Nilesh Jethva
Do NOT follow this link or you will be banned from the site!