GSTV
Home » News » સમાજવાદી પાર્ટીના નેતા રામગોપાલ યાદવના નિવેદન બાદ સીએમ યોગીએ માફીની માગ કરી

સમાજવાદી પાર્ટીના નેતા રામગોપાલ યાદવના નિવેદન બાદ સીએમ યોગીએ માફીની માગ કરી

ઉત્તરપ્રદેશના સૈફઈમાં સમાજવાદી પાર્ટીના નેતા રામગોપાલ યાદવે પુલવામા હુમલા અંગે આપેલા વિવાદિત નિવેદન બાદ સીએમ યોગીએ સપા પાસે માફીની માગ કરી. સીએમ યોગીએ જણાવ્યુ કે, સમાજવાદી પાર્ટી સેનાના જવાનોનું મનોબળ તોડવાનું કામ કરી રહી છે. જેથી રામગોપાલે  માફી માગવી જોઈએ.

રામગોપાલે ગુરૂવારે એક નિવેદનમાં જણાવ્યુ હતુ કે, પુલવામા આતંકી હુમલો એક કાવતરું હતુ. અને વોટ માટે પુલવામામાં જવાનોને મારી નાંખ્યા. સરકાર બદલાશે તો પુલવામા હુમલાની તપાસ થશે. ત્યારે મોટા-મોટા લોકો ફસાશે. રામગોપાલ યાદવના નિવેદન બાદ તેમનો વિરોધ ભાજપે કર્યો છે. ત્યારે ચૂંટણીમાં સપાની મુશ્કેલી પણ વધી શકે છે.

ચૂંટણીના ગરમાયેલા માહોલ વચ્ચે ફરી વખત પુલવામા હુમલો ચર્ચામાં આવી ગયો છે. સમાજવાદી પાર્ટીના નેતા રામગોપાલ યાદવે સીઆરપીએફના કાફલા પરના આતંકવાદી હુમલાને કાવતરું ગણાવતા મોદી સરકારને ઘેરી હતી. 

રામગોપાલ યાદવે કહ્યું કે વોટ માટે જવાનોને મારી નાખવામાં આવ્યાં. તેમણે તો ત્યાં સુધી કહ્યું કે જો સરકાર બદલાશે તો આ મામલાની તપાસ કરવામાં આવશે અને ત્યારે એમાં મોટા મોટા લોકો ફસાશે. રામગોપાલ યાદવે કહ્યું કે પેરામિલિટરી ફોર્સ મોદી સરકારથી નારાજ છે. જમ્મુ-શ્રીનગર વચ્ચે ચેકિંગ જ કરવામાં આવ્યું નહોતું. જવાનોને સાદી બસમાં મોકલવામાં આવ્યાં. આ એક કાવતરું હતું. 

રામગોપાલ યાદવે કહ્યું કે અગાઉ પશ્ચિમ બંગાળમાંથી પણ મોદી સરકાર વિરુદ્ધ આવા આરોપ લાગી ચૂક્યાં છે. ઉલ્લેખનીય છે કે પશ્ચિમ બંગાળના મુખ્યમંત્રી મમતા બેનરજીએ મોદી સરકાર પર શહીદ જવાનોના લોહીથી રાજનીતિ કરવાનો આરોપ મૂકતા કહ્યું હતું કે સરકારને પુલવામા હુમલા અંગે પહેલેથી જ જાણકારી હતી, તેમ છતાં જવાનોને હવાઇ માર્ગે મોકલવાના બદલે સડકમાર્ગે મોકલવામાં આવ્યાં.

Related posts

જમ્મુ-કાશ્મીરના દ્રાસમાં પારો ગગડીને માઇનસ 11.5 : ભૂસ્ખલનમાં એકનું મોત

Mayur

ફી વધારા સામે જેએનયુના વિદ્યાર્થીઓ અડગ, પોલીસે બે એફઆઈઆર નોંધી

Mayur

શિયાળુ સત્ર : બીજા દિવસે પણ ભારે હોબાળો, રાજ્યસભામાં જલિયાંવાલા બાગ બીલ પાસ

Mayur
Do NOT follow this link or you will be banned from the site!