Last Updated on January 15, 2022 by Pravin Makwana
બહુજન સમાજ પાર્ટીએ ઉત્તર પ્રદેશ વિધાનસભા ચૂંટણી માટે આજે પ્રથમ તબક્કાની 58 સીટોમાંથી 53 સીટો પર પોતાના ઉમેદવારોની જાહેરાત કરી દીધી છે. બસપા સુપ્રીમો માયાવતીએ પોતાના જન્મદિવસ પર મીડિયાને સંબોધન કરતા આ પ્રકારની જાણકારી આપી છે. સાથે જ તેમણે જણાવ્યુ છે કે, અન્ય 5 સીટો પર બે ત્રણ દિવસમાં નિર્ણય લેવામા આવશે.
15-01-2022-BSP UP VIDHAN SABHA FIRST LIST-I pic.twitter.com/ioAwDKMI9s
— Mayawati (@Mayawati) January 15, 2022
માયાવતીએ વિધાનસભા ચૂંટણી લડવાને લઈને પોતે સ્પષ્ટ કરતા કહ્યું કે, મીડિયાને મારા વિરુદ્ધ કોઈ મુદ્દો નથી મળતો એટલે દરરોજ મારી ચૂંટણી લડવાનો મુદ્દો ઉછાળતા રહે છે. હું ચાર વાર લોકલભા અને ત્રણ વાર રાજ્યસભા સાંસદ રહી ચુકી છું. મેં અમારી પાર્ટીના હિતને ધ્યાનમાં રાખીને ચૂંટણી લડવાની જગ્યાએ પોતાના કાર્યકર્તાઓને જીતાડવાનું કામ કરીશ. આપણા સંવિધાનમાં એવી વ્યવસ્થા છે કે, કોઈ પણ વ્યક્તિ ચૂંટણી લડ્યા વગર પણ પોતાની યોગ્યતાના આધારે રાજ્યના મુખ્યમંત્રી બની શકે છે.
15-01-2022-BSP UP VIDHAN SABHA FIRST LIST-2&3 pic.twitter.com/dMkO3E9L3H
— Mayawati (@Mayawati) January 15, 2022
બસપા સુપ્રીમોએ આગળ કહ્યું કે, લોકો આકાશ આનંદની ચૂંટણી લડવાની વાત પણ મીડિયામાં ઉછાળતા રહે છે. તે મારા નિર્દેશન હેઠળ પાર્ટીમાં કામ કરી રહ્યા છે. જો મીડિયા અને વિરોધી પાર્ટી આકાશ આનંદની પાછળ પડ્યા રહેશે તો, હું તેને પાર્ટીમાં હજૂ વધારે આગળ લઈ જઈશ. આકાશ આનંદ અને સતીશ મિશ્રાના દિકરા કપિલ મિશ્રા પણ યુવાનોને બીએસપીમાં જોડવાના કામમાં લાગેલા છે. મને પાક્કી ખાતરી છે કે, આ વખતે 2007ની માફક બસપા સત્તામાં પાછી આવશે અને તમામ ઓપિનિયન પોલ ખોટા સાબિત થશે.
આ સાથે જ માયાવતીએ જાહેરાત કરી છે કે, તેમની પાર્ટી બસપા કોઈ પણ પાર્ટી સાથે ગઠબંધન કરશે નહીં. તેમણે કહ્યું કે, અમારી પાર્ટી સર્વ સમાજના ગઠબંધનથી જીતશે.
READ ALSO
- ૬ કરોડનો ખર્ચ કરવા છતા બિસ્માર છે આ બૌદ્ધ ગુફાઓ, જાણો આ ગુફાઓનો ૧૮૦૦ વર્ષ જૂનો ઇતિહાસ
- ચીન અને પાકિસ્તાનની હવે ખેર નહીં / એપ્રિલથી ઓપરેશનલ થશે S-400 સિસ્ટમ, ડ્રેગનની હરકતનો આપશે જડબાતોડ જવાબ
- ભારતની સંરક્ષણ ક્ષેત્રે મોટી સિધ્ધિ, S-400 મિસાઈલ સાથે સરહદોની રખેવાળી બની મજબૂત
- મોટા સમાચાર / રજનીકાંતની દીકરી એશ્વર્યા અને ધનુષ થયા અલગ, 18 વર્ષ જૂના સંબંધોનો આવ્યો અંત
- CM યોગીના 80: 20ની ફોર્મુલા સામે સ્વામી પ્રસાદ મોર્યાએ રજૂ કર્યું પોતાનું અલગ ફોર્મુલા, સપામાં સામેલ થનાર નેતાના કારણે ભાજપને થઈ શકે છે મોટું નુકશાન