GSTV
Chhota Udaipur Gujarat Election 2022 ગુજરાત ટોપ સ્ટોરી

છોટાઉદેપુર / કેન્દ્રીય મંત્રીને મળ્યાં માથાના મતદારો, LPGના ભાવ અંગે પૂછતાં રૂપાલાએ જવાબ આપવાનું ટાળ્યું

પરષોતમ રૂપાલા બહુ સારા વકતા છે. બોલતા હોય ત્યારે લોકો સાંભળવાનું પસંદ કરે છે. પરંતુ માપમાં રહે ત્યાં સુધી સારા લાગે. હમણાં હમણાં રૂપાલા જ્યાં માઈક ભાળે ત્યાં બોલવાનું ચાલુ કરી દે છે એટલે લોકો તેમને સાંભળવા ઉભા રહેતા નથી. માઈક પરથી વિકાસની ફાંકા ફોજદારી કરતા રૂપાલાને  છોટાઉદેપુરમાં માથાના મતદારો ભટકાયા હતા. છોટાઉદેપુર જિલ્લાના તેજગઢ ખાતે ભાજપના ઉમેદવારના પ્રચાર માટે આવેલા કેન્દ્રીય મંત્રી પરષોત્તમ રૂપાલાએ રાંધણ ગેસના બોટલના ભાવ ઓછા કરવા બાબતે ગોળ ગોળ જવાબ આપી વાતને વાળી લીધી હતી.

પરષોત્તમ રૂપાલાએ તેજગઢમાં જાહેર સભાને સંબોધન કરતાં જણાવ્યું હતું કે, કોંગ્રેસ છોડીને ગયેલા લોકોને તેઓ ગદ્દાર કહે છે. પરંતુ આ તો મોરારજી દેસાઈથી ચાલ્યું આવે છે. હમણાં કોંગ્રેસના સિનિયર ધારાસભ્ય મોહનસિંહ રાઠવા ભાજપમાં જોડાયા છે. કોંગ્રેસે બીજાને કંઈ કહેવાના બદલે આત્મમંથન કરવું જોઈએ. આ વખતે ભાજપ આ બેઠક કોંગ્રેસ પાસેથી આંચકી લેશે. 

સભા બાદ પત્રકારો સાથેની વાતચીતમાં તેમને રાંધણ ગેસના બોટલના ભાવ ઓછા કરવા બાબતે પૂછતાં તેમણે જવાબ આપવાની જગ્યાએ સરકારના ગુણગાન ગાવાના શરૂ કરી મૂળ પ્રશ્નનો જવાબ આપવાનું ટાળ્યું હતું. આ પહેલા તેઓ છોટાઉદેપુર ખાતે સવારે આવી પહોંચ્યા હતાં. પરંતુ સભા સ્થળે મેદની ઓછી હોવાનું જાણતાં ત્યાં જવાના બદલે ભાજપના કાર્યાલય ખાતે પહોંચી એક કલાક મોડા સભામાં પહોંચ્યા હતાં.

READ ALSO

Related posts

મોટા સમાચાર / દુષ્કર્મ કેસમાં આસારામ દોષિત જાહેર, હવે થશે સજાનું એલાન

Nakulsinh Gohil

મોટા સમાચાર / પેપરલીક કાંડ મામલે કોર્ટે તમામ આરોપીઓના 12 દિવસના રિમાન્ડ મંજૂર કર્યા

Nakulsinh Gohil

ગુજરાતમાં 1 ફેબ્રુઆરીથી શરૂ થશે રાહુલ ગાંધીની હાથ સે હાથ જોડો યાત્રા, 6 લાખ ગામડાઓમાં જશે

Nakulsinh Gohil
GSTV