GSTV
Home » News » કેન્દ્રના મંત્રી અને અવારનવાર વિવાદીત નિવેદનો કરનાર ગિરિરાજ સિંહ ભાજપથી આ કારણે નારાજ

કેન્દ્રના મંત્રી અને અવારનવાર વિવાદીત નિવેદનો કરનાર ગિરિરાજ સિંહ ભાજપથી આ કારણે નારાજ

કેન્દ્રના મંત્રી અને અવારનવાર વિવાદીત નિવેદનો કરી ભાજપને ફિક્સડમાં  મૂકનાર ગિરિરાજ સિંહને નવાદાથી લોકસભાની બેઠક નહીં આપતા તેઓ ભાજપ મોવડી મંડળ પર ખફા થયા હતા. તેમની નવાદાની બેઠક રામ વિલાસ પાસવાનના લોક જનશક્તિ પાર્ટીને ભાગે આવી છે.

‘બેઠકોની વહેંચણીની મજબુરી હોઇ શકે, પરંતુ મારે ભારપૂર્વક કહેવું છે કે બિહારના કોઇ પણ મંત્રી એ મારા જેટલી પ્રજાલક્ષી કામગીરી કરી નથી અને બિહારના કોઇપણ મંત્રીને પોતાની બેઠક છોડવી પડી નથી’ એમ નારાજ થયેલા સિંહે કહ્યું હતું.

રવિવારે એનડીએ દ્વારા બેઠકોની વહેંચણીની જાહેરાત કરાઇ હતી અને તમામે પોતપોતાના ઉમેદવારીની યાદી જારી કરી હતી. તે મુજબ ભાજપ અને જદયુને ૧૭-૧૭ અને લોજપાને સાત બેઠકો મળી હતી, પરંતુ તેમાં ગીરીરાજની બેઠક લોજપાને ફાળે જતાં એલફેલ બોલનાર સિંહ ખૂબ નારાજ થયા હતા.

શું તમે ભાજપના પ્રદેશ પ્રમુખ નિત્યાનંદ રાયને \ નવાદાથી જ ચૂંટણી લડવા કહ્યું હતું? એવા એક સવાલના જવાબમાં તેમણે કહ્યું હતું કે તેમણે ૨૦૦ વખત વિનંતી કરી હતી. ‘પાંચ વર્ષના ગાળો મોટો કહેવા અને મને આ મતવિસ્તાર અને તેના મતદારો પ્રત્યે લગાવ ઊભો થયો છે. રાયે મને ખાતરી આપી હતી કે હું જ્યાંથી પણ ચૂંટણી લડવા ઇચ્છું છું ત્યાંથી લડી શકું છું, તો પછી આ રીતે મને કાઢી મૂકવો શું બતાવે છે.

Related posts

જ્યારે ઘણી યોજનાઓ શક્ય છે, 370 પણ શક્ય છે

Path Shah

ઉત્તરાખંડ-યુપીનાં રેલવે સ્ટેશન અને ધાર્મિક સ્થળોને બોમ્બથી ઉડાવાની ધમકી,પત્ર મળતા હાઇએલર્ટ

Riyaz Parmar

વેપાર પર જોવા મળી પુલવામાની અસર: પાક. સાથેનાં સીમાપારનાં વેપારી સંબંધો પર રોક

Riyaz Parmar