બાવલી ગામના પટ્ટી દેશુમાં કાકા–ભત્રીજા વચ્ચે દારૂની મહેફિલ દરમિયાન નમકીમ ખતમ થવાને લઈને બોલાચાલી થઈ હતી, ત્યારે કાકાએ ભત્રીજાનો કાન ચાવીને કાપી નાખ્યો હતો. કાન કપાઈને જમીન પર પડતાં ત્યાં હાજર લોકોમાં નાસભાગ મચી ગઈ હતી. ઘાયલને સીએચસીમાં દાખલ કરવામાં આવ્યો હતો. ઘાયલ અનુજ બાવલી ગામનો રહેવાસી છે.
નમકીમ ખતમ થયા બાદ વધ્યો વિવાદ
ઇજાગ્રસ્ત અનુજ દુલ્હૈદી, સુધીર અને અન્ય ઘણા લોકો અને તેના કાકા સાથે ગામમાં એક મકાનમાં બેઠેલા હતા. આ દરમિયાન નમકીન વગેરે ખતમ થઈ જતાં કાકા-ભત્રીજા વચ્ચે ખાવા બાબતે બોલાચાલી શરૂ થઈ હતી, જે એટલી હદે વધી ગઈ હતી કે ભત્રીજાએ કહ્યું હતું કે નમકીમ ખતમ થયાની વારંવાર વાત કરીને મારા કાન કેમ ખાય છે, એટલું સાંભળવું પુરતું હતું કે કાકાએ તાવમાં કહ્યું કે હું તારો કાન જ ખાઈ લઉ છું, પછી કાકાએ ભત્રીજાનો જમણો કાન ચાવી નાખ્યો હતો.
અનુજને લોહીલુહાણ જોઈને ઘટનાસ્થળેથી ભાગી છૂટ્યા તમામ લોકો
કરડેલા કાનનો અડધો ભાગ જમીન પર પડી ગયો હતો. આ દરમિયાન યુવક લોહીલુહાણ થઈ ગયો હતો. આ જોઈ કાકા સહિત અન્ય લોકો ત્યાંથી ભાગી ગયા હતા. ઘટના બાદ ઘાયલ યુવક કોતવાલી પહોંચ્યો હતો. ઈન્સ્પેક્ટર એમએસ ગિલે જણાવ્યું કે, દારૂની મહેફિલમાં નમકીન ખતમ થયા પછી કાકાએ ભત્રીજાનો અડધો કાન જ ચાવ્યો, જેના કારણે અડધો કાન સાવ કપાઈ ગયો. ઇજાગ્રસ્ત કોતવાલી આવી ગયો હતો, પરંતુ હજુ સુધી ફરિયાદ આપવામાં આવી નથી. ઘાયલનું મેડિકલ કરાવવામાં આવ્યું છે. તેમણે કહ્યું કે પીડિતની ફરિયાદના આધારે તપાસ શરૂ કરવામાં આવી છે.
MUST READ:
- લાલ સૂટમાં સપના ચૌધરીનો શાનદાર ડાન્સ, સોશિયલ મીડિયા પર વીડિયોએ મચાવી ધૂમ
- રખડતા ઢોરે લીધો વધુ એક જીવ : અંધારામાં રસ્તા પર બેસેલી ગાય ન દેખાતા સર્જાયો અકસ્માત, બાઇક ચાલક યુવાનનું મોત
- જિયા ખાનની માતાએ પોલીસ અને CBIની તપાસ પર ઉઠાવ્યા અનેક સવાલ, કહ્યું- ‘આ આત્મહત્યા નહીં, હત્યાનો મામલો છે’
- Box Office/ તાપસીની ફિલ્મ ‘દોબારા’ને આ ગુજરાતી ફિલ્મે પાછાડી, કાર્તિકેય 2ની કમાણીમાં જોરદાર ઉછાળો
- ગોઝારો શનિવાર/ રાજસ્થાનમાં ગંભીર અકસ્માત : ટ્રેક્ટર અને ટ્રોલી વચ્ચે ધડાકાભેર ટક્કર, 6 શ્રદ્ધાળુઓના મોત