GSTV

બહુજ કામનો છે આ રેલવેનો નિયમ- પ્લેટફોર્મ ટિકિટ લઈને પણ કરી શકો છો ટ્રેનમાં મુસાફરી

Last Updated on November 9, 2020 by Mansi Patel

લાંબા અંતરની મુસાફરી કરવી હોય કે આરામથી મુસાફરી કરવી હોય તો, દરેકને ટ્રેનમાં મુસાફરી કરવાનું વધુ ગમે છે. ટ્રેનમાં મુસાફરી કરવા માટે, લોકો મહિનાઓ પહેલાં રિઝર્વેશન કરાવે છે. રિઝર્વેશન માટે બે પ્રકારની ટિકિટ બુક કરવામાં આવે છે.  ટિકિટ રિઝર્વેશન વિંડો અને ઓનલાઇન દ્વારા ટિકિટ બુક કરાવી શકાય છે. પરંતુ જો તમારે અચાનક મુસાફરી કરવી હોય તો શું કરવું? આ માટે, મોટાભાગના લોકો તત્કાલ ટિકિટને એકમાત્ર વિકલ્પ માને છે. પરંતુ, આજે તમને જણાવી રહ્યા છીએ કે કોઈ પણ પ્લેટફોર્મ ટિકિટ સાથે મુસાફરી કરી શકે છે. ચોંકશો નહી, આ સાચું છે, ચાલો જાણીએ રેલ્વેના નિયમો શું કહે છે…

પ્લેટફોર્મ ટિકિટ પર મુસાફરી

જો તમારી પાસે ફક્ત પ્લેટફોર્મ ટિકિટ છે અને તમે ટ્રેનમાં ચડી ગયા છો, તો તમારે ગભરાવાની જરૂર નથી. ટિકિટ તપાસનાર પાસે જઈને તમે ટિકિટ મેળવી શકો છો. વાસ્તવમાં,આ રેલ્વેનો જ નિયમ છે. ઈમરજન્સીમાં, મુસાફરો પ્લેટફોર્મ ટિકિટ લઈને ટ્રેનમાં ચડી શકે છે, પરંતુ તરત જ TTEનો સંપર્ક કરવો જરૂરી છે. વળી, ટિકિટ જ્યાં જવું હોય ત્યાંની કપાવી પડશે. જો કે, જો કોઈ સમયે બેઠકો ન હોય તો, ટીટીઇ તમને રિઝર્વ સીટ આપવાનો ઇનકાર કરી શકે છે. જો કે, કોઇપણ તમને મુસાફરી કરતા અટકાવી શકે નહીં. આવી સ્થિતિમાં મુસાફર પાસેથી 250 રૂપિયા દંડ અને મુસાફરી ભાડુ લેવામાં આવશે.

શું છે તેનો ફાયદો

પ્લેટફોર્મ ટિકિટનો ફાયદો એ છે કે, મુસાફરે જ્યાંથી પ્લેટફોર્મની ટિકિટ લીધી છે ત્યાંથી ભાડુ ચૂકવવું પડશે. ભાડુ લેતી વખતે  ડિપાર્ચર સ્ટેશન પણ તે જ સ્ટેશનને માનવામાં આવશે. યાત્રી પાસેથી ભાડુ પણ તે જ સિરિઝમાં વસૂલ કરવામાં આવશે, જેમાં તે સફર કરી રહ્યો હશે.

ટ્રેનો

જો તમે ટ્રેન ચુકી જાવ તો શું કરશો?

ઘણીવાર જોવા મળે છે કે, ટ્રેન છૂટી જાય પછી લોકોને ચિંતા થાય છે કે ટ્રેન પણ છૂટી થઈ ગઈ છે અને પૈસા પણ જતા રહ્યા. જો કે, ટ્રેન ચૂકી ગયા હોય તો પણ તમે રિફંડ મેળવી શકો છો. ટ્રેન ચૂકી જવાના કિસ્સામાં, મુસાફર ટીડીઆર ભરીને તેની ટિકિટના બેઝ ફેરના 50 ટકા રિફંડનો દાવો કરી શકે છે. જો કે, તમારે આ કાર્ય સમય-મર્યાદામાં કરવું પડશે.

ટીટીઇ કોઈને તમારી સીટ આપી શકશે નહીં

જો તમે ટ્રેન ચૂકી ગયા છો, તો ટીટીઈ આગામી બે સ્ટેશનો સુધી તમારી સીટ કોઈને ફાળવી શકશે નહીં. તમે આગલા બે સ્ટેશનો પર ટ્રેન પહેલાં પહોંચીને તમારી મુસાફરી પૂર્ણ કરી શકો છો. પરંતુ, બે સ્ટેશનો પછી, ટીટીઇ આ સીટ આરએસી ટિકિટવાળા મુસાફરને ફાળવી શકે છે.

ટ્રેનો

ટ્રેન ટિકિટ ખોવાઈ જાય તો પણ ન થતા પરેશાન

જો તમે ટ્રેનની મુસાફરી માટે ઇ-ટિકિટ લીધી હોય અને ટ્રેનમાં બેસ્યા પછી જોશો કે ટિકિટ ખોવાઈ ગઈ છે, તો તમે ટિકિટ તપાસનાર (ટીટીઇ) ને 50 રૂપિયા દંડ આપીને તમારી ટિકિટ મેળવી શકો છો.

READ ALSO

Related posts

માઠા સમાચાર/ રેમો ડિસૂજાના સાળાનું નિધન, ઘરમાંથી મૃત અવસ્થામાં મળી આવ્યો, રેમોની પત્નીએ લખી ભાવૂક પોસ્ટ

Pravin Makwana

Corona cases in Delhi : 24 કલાકમાં દિલ્હીમાં 43 મૃત્યુ, 12306 પોઝિટિવ

Vishvesh Dave

WhatsApp / જો તમે પણ છો કોઈ વ્હોટ્સએપ ગ્રુપના એડમિન તો આ 5 બાબતોનું રાખો ધ્યાન, નહીં તો જવું પડી શકે છે તમારે જેલ

Vishvesh Dave
Do NOT follow this link or you will be banned from the site!