Last Updated on October 13, 2020 by Mansi Patel
બેંક એફડીમાં ઓછા વળતર હોવાને કારણે, મોટાભાગના રોકાણકારો તેમના નાણાં અન્યત્ર રોકાણ કરવા માગે છે. ફિક્સ્ડ ડિપોઝિટ (એફડી) પરના વ્યાજ દર છેલ્લા બે વર્ષથી ઘટી રહ્યા છે અને 12 વર્ષની નીચી સપાટીને પહોંચી ગયા છે. એસબીઆઇ બેંક વિવિધ સમયગાળામાં 2.9% થી 5.4% ની વચ્ચે વ્યાજ દર આપી રહી છે. હાલમાં, બેંક એફડી વ્યાજ દર બચત બેંક ખાતાની સમકક્ષ છે. વાસ્તવમાં ટૂંકા ગાળા માટે, બેન્ક એફડી બેંક બચત ખાતા કરતાં ઓછા વ્યાજ ચૂકવે છે. આ માટે, જો તમે બીજી રોકાણ યોજનામાં પૈસાનું રોકાણ કરીને મોટો નફો કમાવવા માંગો છો, તો પછી કેટલાક રોકાણ વિકલ્પો વિશે જાણો.
કિસાન વિકાસ પત્ર (KVP)
ભારતમાં પોસ્ટ ઓફિસ દ્વારા આપવામાં આવતી આ એક સારી બચત યોજના છે. આ યોજના વર્તમાન ઓક્ટોબર-ડિસેમ્બર ક્વાર્ટરમાં 6.9% સાંકેતિક વળતર આપે છે. તે એક સંપૂર્ણ જોખમ મુક્ત રોકાણ છે. સરકાર દ્વારા દર ક્વાર્ટરમાં આ થાપણો પરના વ્યાજ દરની જાહેરાત કરવામાં આવે છે. આ યોજનામાં લઘુતમ જરૂરી રોકાણ 1000 રૂપિયા છે. આ યોજનાઓમાં રોકાણની કોઈ ઉપરી મર્યાદા નથી.
રાષ્ટ્રીય બચત પત્ર (NSC) :
એનએસસી હાલમાં વાર્ષિક 6.8% વ્યાજદર ચૂકવે છે, પરંતુ તે પાકતી મુદતે ચૂકવવાપાત્ર છે. 10 વર્ષથી વધુ ઉંમરના સગીર બાળકો NSC ખરીદી શકે છે. પોસ્ટ ઓફિસ બચત યોજના એનએસસી તેના નિશ્ચિત આવકના પોર્ટફોલિયો માટે રોકાણકારોમાં લોકપ્રિય છે. આ પ્રમાણપત્ર તે લોકો માટે સલામત અને ઉપયોગી છે જેમને મૂડીનું રક્ષણ જોઈએ છે.
વરિષ્ઠ નાગરિક બચત યોજના (SCSS) :
60 વર્ષ કે તેથી વધુ વયની વ્યક્તિ SCSSમાં રોકાણ કરી શકે છે. હાલમાં એસસીએસએસ વાર્ષિક 7.4% ના દરે વ્યાજ ચૂકવે છે. ડિપોઝિટર્સ વ્યક્તિગત ક્ષમતા અથવા જીવનસાથી સાથે એક કરતા વધારે ખાતાનું સંચાલન કરી શકે છે. તેની પરિપક્વતા અવધિ 5 વર્ષ છે. પરિપક્વતા પછી, એકાઉન્ટ વધુ ત્રણ વર્ષ માટે લંબાવી શકાય છે.
બેંક FD :
કેટલીક નાની ફાઇનાન્સ બેંકો (SFB) પસંદ કરેલ FD પર 8% અને 9%નું વચ્ચે વ્યાજ આપે છે. આ બેન્કો દ્વારા આપવામાં આવતા વ્યાજ દર ભારતીય સ્ટેટ બેંક (એસબીઆઈ), એચડીએફસી બેંક, આઈસીઆઈસીઆઈ બેંક, એક્સિસ બેન્ક અને અન્ય લોનદાતાની તુલનામાં ચોક્કસપણે આકર્ષક છે. વરિષ્ઠ નાગરિકોને સામાન્ય ગ્રાહકો કરતા આ થાપણો પર 50 બેસિસ પોઇન્ટ વધુ મળે છે.
કોર્પોરેટ ફિક્સ્ડ ડિપોઝિટ:
વધુ ગેરેંટેડ વળતરની શોધમાં રહેલા લોકો માટે, કોર્પોરેટ ફિક્સ ડિપોઝિટ્સ બેંક ફિક્સ ડિપોઝિટ માટે વિકલ્પ હોઈ શકે છે. તે 7-8% વાર્ષિક વળતર આપે છે. કોર્પોરેટ એફડીમાં પ્રમાણમાં ઉચી ચુકવણીનું જોખમ હોય છે, જેઓ ઉંચા વળતર માટે ઇક્વિટી મ્યુચ્યુઅલ ફંડમાં રોકાણ કરવા તૈયાર નથી, તેમના માટે આ એક સારો વિકલ્પ હોઈ શકે છે.
READ ALSO
- કોરોના કાળમાં સતત ફોન કોલ રણકતા અમદાવાદના ફાયરકર્મીઓ માનસિક ટ્રેસમાં, શેર કર્યા વિચિત્ર અનુભવો
- મોટા સમાચાર: ફેસબુક મેસેન્જર પર ટૂંક સમયમાં વોટ્સએપ ચેટ્સ જોવા મળશે, શું તો પણ મેસેજ એન્ક્રિપ્ટ રહેશે?
- નિયમોની ઐસીતેસી કરવી ભારે પડી / AMCની ટીમ એક્શનમાં, 50 ટકાથી વધુ સ્ટાફ સાથે કામ કરતી ઓફિસો સીલ
- યુએએન નંબર નથી, ચિંતા કરશો નહીં, આ રીતે પણ પૈસા પણ ઉપાડી શકો છો તમારા પીએફ એકાઉન્ટમાંથી
- હવે આ રીતે 18 વર્ષથી ઉપરના પણ વેક્સિનેશન માટે રજીસ્ટ્રેશન કરાવી શકશે, બસ ફોલો કરો આ સ્ટેપ્સ
