રાજ્યની છે બેઠક પર યોજાયેલી પેટા ચૂંટણીમાં ભાજપ-કોંગ્રેસને ત્રણ-ત્રણ બેઠક મળી છે. જોકે, સમગ્ર ગુજરાતની નજર કોંગ્રેસમાંથી પક્ષપલ્ટુ કરી આવેલા આયાતી ઉમેદવાર અલ્પેશ ઠાકોર અને ધવલસિંહ ઝાલા પર હતી. આ બંનેની રાધનપુર અને બાયડમાં હાર થઇ છે.
જોકે ભાજપે જેટલી બેઠકો જીતી તેનાથી ખુશ હોય તેમ ફટાકડા ફોડી ઉત્સવની માફક ઉજવણી કરી છે. ઢોલ નગારા વગાડવામાં આવ્યા છે. આ ઉત્સવને જોઈ એક રીતે તો એવું લાગે છે કે જ્યારે અલ્પેશ અને ધવલસિંહ કોંગ્રેસના ઉમેદવાર હોય અને હાર્યા હોય.
શંકર ચૌધરી સિવાય તમામ નેતાઓ હાજર રહ્યા
ભાજપની જીતની ઉજવણીમાં પણ તમામ નેતાઓ હાજર રહ્યાં હતા. શંકર ચૌધરી જેવા નેતા જેમને થરાદ બેઠકની ટિકિટ આપવામાં આવી ન હતી. તેઓ આ ઉજવણીથી અડગા રહ્યા હતા. શંકર ચૌધરી ન જોડાતા અનેક તર્ક વિતર્કો પણ લગાવવામાં આવી રહ્યાં છે. ઉલ્લેખનીય છે કે શંકર ચૌધરીને થરાદ બેઠક પરથી ચૂંટણી લડવી હતી પણ તે બેઠક પર તેમને ટિકિટ આપવામાં નહોતી આવી. જેના પરિણામ સ્વરૂપ હાલ ભાજપ થરાદની બેઠક હારી ગયું છે.
ભાજપને ત્રણ બેઠક મળી
ગુજરાત વિધાનસભાની 6 બેઠકમાંથી ભાજપને ફાળે ત્રણ બેઠક આવી છે. જ્યારે હાઈપ્રોફાઈલ ગણાતી થરાદ અને રાધનપુર બેઠક પર ભાજપની હાર થઈ છે. જો કે 6માંથી 3 બેઠક પર કમળ ખીલતા કમલમ ખાતે ભાજપના કાર્યકર્તાઓએ ઉજવણી કરી હતી. ફટાકડાંની ફોડી અને અબીલ ગુલાલ ઉડાવીને ભાજપના કાર્યકર્તાઓએ જીતની ઉજવણી કરી હતી. ભાજપને ફાળે લુણાવાડા, અમરાઈવાડી અને ખેરાલુ બેઠક તો કોંગ્રેસને બાયડ, રાધનપુર અને થરાદ બેઠક મળી છે.
READ ALSO
- અમદાવાદના નિકોલમાં જાહેરમાં દારૂ પીતા એએસઆઈનો વીડિયો વાયરલ
- CAA-NRC હિંસામાં સંડોવાયેલા આરોપીઓ પાસેથી યોગી સરકારે વસુલ્યા 1 કરોડ 54 લાખ રૂપિયા, અમુક મિલકતો પણ કરી સીલ
- વિવાદોથી ટેવાયેલા ચીને ફરી એક વાર કરી મધપૂડામાં આંગળી, હવે આ શહેર પોતાનું હોવાનું દાવો કર્યો
- દુશ્મનોનાં છક્કા છોડાવશે ‘નિર્ભય’, 1000 કિમી સુધી માર કરી શકે છે આ સ્વદેશી ક્રૂઝ મિસાઈલ
- નર્મદા ડેમની જળ સપાટીમાં ઘટાડો થતાં 121.92 મીટર પર પહોંચી