મોહમ્મદ આમિરની પત્ની નર્જિસ ખાતૂન બ્રિટિશ નાગરિક છે. મોહમ્મદ આમિર અને નર્જિસ ખાતુનને ત્રણ દીકરીઓ છે. મોહમ્મદ આમિરે 2016માં નર્જિસ ખાતૂન સાથે લગ્ન કર્યા હતા. મોહમ્મદ આમિર અને નર્જિસ ખાતૂનની લવ સ્ટોરી ખૂબ જ રસપ્રદ છે. વાસ્તવમાં, આ તે દિવસોની વાત છે જ્યારે વર્ષ 2010માં મોહમ્મદ આમિરનું નામ મેચ ફિક્સિંગમાં આવ્યું હતું. મોહમ્મદ આમિરને મેચ ફિક્સિંગના આરોપમાં જેલમાં જવું પડ્યું હતું. આમિરનો કેસ પાકિસ્તાની મૂળની બ્રિટિશ નાગરિક નર્જિસ ખાતૂન લડી રહી હતી.
કેસ લડતી વખતે, નર્જિસ ખાતૂન અને મોહમ્મદ આમિર નજીક આવ્યા અને બંને એકબીજાના પ્રેમમાં પડ્યા. મેચ ફિક્સિંગમાં ફસાયા બાદ આમિર પર પાંચ વર્ષનો પ્રતિબંધ મૂકવામાં આવ્યો હતો. ત્યારે આમિર 18 વર્ષનો હતો. મોહમ્મદ આમિર અને નર્જિસ ખાતૂને વર્ષ 2016માં લગ્ન કર્યા હતા. મોહમ્મદ આમિરે 2016માં ફરી એકવાર આંતરરાષ્ટ્રીય ક્રિકેટમાં વાપસી કરી હતી. પાકિસ્તાન ક્રિકેટમાં આંતરિક રાજકારણને કારણે મોહમ્મદ આમિરે 2020માં આંતરરાષ્ટ્રીય ક્રિકેટને અલવિદા કહી દીધું. એવા અહેવાલો છે કે મોહમ્મદ આમિર બ્રિટિશ નાગરિક બનીને IPL રમવાની તૈયારી કરી રહ્યો છે.
ઓગસ્ટ 2010માં, લોર્ડ્સ ક્રિકેટ ટેસ્ટમાં, બુકી મઝહર મજીદ સાથે ત્રણ ક્રિકેટરોએ સ્પોટ ફિક્સિંગ કર્યું હતું અને આ સ્ટિંગ ઓપરેશન ‘ન્યૂઝ ઓફ વર્લ્ડ’ના રિપોર્ટરે કર્યું હતું. આ સમગ્ર કેસમાં સ્પોટ ફિક્સિંગની તમામ ઘટનાઓ કેમેરામાં કેદ થઈ ગઈ હતી. મેચના એક દિવસ પહેલા દરેક નો બોલ ક્યારે ફેંકવામાં આવશે? આ માટે આરોપી ક્રિકેટરોએ મોટી રકમ લીધી હતી. આ ટેસ્ટ મેચમાં કેપ્ટન સલમાન બટ્ટની સૂચના પર મોહમ્મદ આસિફ અને મોહમ્મદ આમીરે અનુક્રમે એક અને બે નો બોલ ફેંક્યા હતા.
ટેસ્ટ ક્રિકેટમાંથી નિવૃત્તિ લીધા પછી જ મોહમ્મદ આમિર બ્રિટિશ પાસપોર્ટ મેળવીને બ્રિટનમાં સ્થાયી થવાનું વિચારી રહ્યો હતો. આમિરે સપ્ટેમ્બર 2016માં બ્રિટિશ નાગરિક નર્જિસ ખાતૂન સાથે લગ્ન કર્યા હતા. આમિર પાકિસ્તાની એ ટીમનો એક ભાગ હતો જેણે 2009નો વર્લ્ડ T20 કપ જીતવા ઉપરાંત 2017માં ચેમ્પિયન્સ ટ્રોફીનો ખિતાબ જીત્યો હતો. જે સમયે તે સ્પોટ ફિક્સિંગ વિવાદમાં ફસાયો હતો તે સમયે તેની ઉંમર માત્ર 18 વર્ષની હતી.
સ્પોટ ફિક્સિંગના આરોપમાં તેને 2010થી 2015 સુધી પ્રતિબંધનો પણ સામનો કરવો પડ્યો હતો. કેપ્ટન સલમાન બટ્ટ, આમિર અને મોહમ્મદ આસિફને 2011માં ઈંગ્લેન્ડ પ્રવાસ પર ફિક્સિંગમાં દોષી ઠેરવ્યા બાદ ICC દ્વારા 5 વર્ષ માટે સસ્પેન્ડ કરવામાં આવ્યા હતા. આમિરના સાથી ફાસ્ટ બોલર મોહમ્મદ આસિફ અને ત્યારપછીના કેપ્ટન સલમાન બટ્ટને 2010ના ઈંગ્લેન્ડ પ્રવાસ દરમિયાન ટેસ્ટ શ્રેણી દરમિયાન સ્પોટ ફિક્સિંગમાં દોષી ઠેરવ્યા બાદ બ્રિટિશ કોર્ટે નવેમ્બર 2011માં જેલની સજા ફટકારી હતી. મોહમ્મદ આમિરને લગભગ અડધો વર્ષ જેલમાં રહેવું પડ્યું હતું.
GSTV NEWSના Whatsapp ગ્રુપમાં જોડાવા માટે આ લિંક પર ક્લિક કરો:
https://chat.whatsapp.com/K2PGXCtwT948Im49fwbfsd
GSTVની એપ ડાઉનલોડ કરવા આ લિંક પર ક્લિક કરો:
https://play.google.com/store/apps/details?id=com.tops.gstvapps&hl=en&gl=US&pli=1
READ ALSO
- BREAKING : છત્તીસગઢમાં વિષ્ણુદેવને મુખ્યમંત્રી બનાવ્યા બાદ બે ડેપ્યુટી CMના નામની ચર્ચા
- ભારતીય સેના AI સંચાલિત શસ્ત્રોનો કરશે ઉપયોગ, સરહદ નજીક લડાઈમાં દુશ્મનનો કરશે નાશ
- અંકલેશ્વર / હાંસોટ-કોસંબા રોડ કાર નહેરમાં ખાબકી, કારમાં સવાર હતા પતિ-પત્ની
- સરપંચથી લઈને સીએમ સુધીની સફર: વિષ્ણુદેવ સાયને મળી છત્તીસગઢના નવા કેપ્ટન, જાણો તેમની રાજકીય જીવન વિશે…
- 2023માં પ્રથમ છ મહિનામાં જ 42,000 લોકોએ કેનેડા છોડ્યું, જાણો શું છે કારણ