જો તમે સ્માર્ટફોનન ઉપયોગ કરો છો તો હવે તમારે સાવધાન થઈ જવાની જરૂર છે. ગૂગલ પ્લે સ્ટોર પર હવે એક એવી એપ્લિકેશન આવી ગઈ છે જેને ઈન્સ્ટોલ કરતાં જ તમારા સ્માર્ટફોનની જાસૂસી થવા લાગશે. ચિંતાની વાત એ છે કે આ એપ્લિકેશનને અત્યાર સુધીમાં 10 કરોડથી વધારે લોકો ડાઉનલોડ કરી ચૂક્યા છે. સાઈબર નિષ્ણાંતો દ્રારા પણ એપ્લિકેશનને તુરંત ડિલીટ કરી નાખવાની વાત મુકવામાં આવી છે. આ એપ્લિકેશનનું નામ SuperVPN Free VPN Client છે.
ગૂગલ સ્ટોર પર વર્ષોથી હતી
આ એપ્લિકેશન ગૂગલ પ્લે સ્ટોર પર વર્ષોથી પડી પાથરેલી હતી. હવે સંશોધકોને ખ્યાલ આવ્યો છે કે તેમાં ઘણા ખતરનાક કોડ છુપાયેલા છે. આ કોડ યુઝર્સના ડેટાને નુકસાન પહોંચાડે છે. VPN Proની રિસર્ચની ટીમના જણાવ્યા પ્રમાણે આ એપ્લિકેશનમાં ઘણો જ ખતરો છે. જે યુઝર્સના પર્સનલ અને પ્રોફેનલ ડેટાની સાથે બેંકિંગ ડિટેલ્સને પણ હેક કરી શકે છે.
ફોન પર રહે છે નજર
એપ્લિકેશનમાં હાજર કોડ હેંકર્સને ફોનમાં થનારી તમામ પ્રકારની જાણકારી આપે છે. હેકર્સ આ એપ્લિકેશન દ્રારા ચાલાકીથી યુઝર્સની ડિવાઈસ અને વીપીએન પ્રોવાઈડરને કોમ્યુનિકેશન ડીકોટ કરી શકે છે. એવામાં જ્યારે પણ યુઝર દ્રારા ક્રોમ બ્રાઉઝર ઓપન કરવામાં આવે છે અથવા તો વીડિયો કોલ કરવામાં આવે છે અથવા તો વીડિયો કોલ કરવામાં આવતા જ સમગ્ર જાણકારી સર્વર અને સ્માર્ટફોન દ્રારા હેકર્સ સુધી પહોંચી જાય છે. વીપીએન પ્રો એ આ ખતરાની જાણકારી ગૂગલને આપી છે. સુપર વીપીએનના લેટેસ્ટ વર્ઝનમાં પણ આવી નબળાઈઓ આવે છે. જેના કારણે યુઝર્સની પ્રાઈવસી જોખમમાં મુકાઈ છે.
ગૂગલે ફ્રી વર્ઝનને કર્યું ડિલીટ
હવે એવું લાગી રહ્યું છે કે, ગૂગલ પોતાના પ્લે સ્ટોર પર ફ્રી એપ્લિકેશન લાવીને ખુશ નથી. આ કારણે જ આ ખતરનાક વર્ઝનને ડિલીટ કરી દેવામાં આવ્યું છે. જોકે ગૂગલે હવે વધારે ડાઉનલોડ પણ રોકી દીધા છે. પણ જે ડિવાઈસમાં તે હાજર છે તેમાં એ હજુ પણ જાસૂસી કરી રહ્યું છે. એવામાં સૌથી સારી વાત એ રહેશે કે કંઈ પણ વિચાર્યા વિના આ એપ્લિકેશનને ડિલીટ કરી દેવામાં આવે.
READ ALSO
- ઓક્સિજન કન્સેન્ટ્રેટર નહીં ઓક્સિજન જનરેટર : 2500 રૂપિયાના વાયુપુત્ર માટે થઈ રહી છે પડાપડી, 45 હજાર રિકવેસ્ટ આવી
- કોરોના ઈફેક્ટ : ડામાડોળ અર્થતંત્ર વચ્ચે એપ્રિલમાં 22 ટકા લોકો નથી ભરી શક્યા માસિક હપ્તો, બેન્કો ભરાઈ જશે
- કોરોનાએ હંફાવ્યા/ મનમોહનસિંહ હતા આત્મનિર્ભર પણ મોદી પોલિસી બદલી થઈ ગયા નિર્ભર, 40 દેશોની મદદનો કર્યો સ્વીકાર
- સુરતની સૂરત બદલાશે/ કોરોનાના વળતાં પાણી, કમિશ્નરે કહ્યું આ 3 સ્ટ્રેટેજીએ કોરોનાના હાહાકારથી બચાવી લીધું શહેરને
- રશિયામાં ઉજવાયો વિશ્વયુદ્ધ વિજય દિવસ, 76 વર્ષ પહેલા જર્મની સામે મેળવી હતી ઐતિહાસિક જીત
