એક દિવસ બાદથી તમને અનેક પ્રકારના બદલાવ જોવા મળવાના છે. જી હા…સપ્ટેમ્બર મહિનાને પૂરો થવામાં હવે ફક્ત 1 જ દિવસ બાકી રહી ગયો છે અને તે બાદ ઓક્ટોબર મહિનાની શરૂઆત થઇ જશે. ઓક્ટોબર મહિનાની શરૂઆત થવાની સાથે જ તમારી બેંક, શેર માર્કેટ અને સેલરીને લગતા અનેક નિયમોમાં બદલાવ થવા જઇ રહ્યો છે. આવતા મહિનાથી ઘણી રોજિંદી વસ્તુઓ બદલાવા જઈ રહી છે. આ ફેરફારો સામાન્ય માણસના જીવન સાથે સંબંધિત છે. તેમાં બેન્કિંગ નિયમોથી લઈને એલપીજી સહિત ઘણા ફેરફારનો સમાવેશ થાય છે. ચાલો તમને જણાવીએ કે કયા ફેરફારો થવા જઈ રહ્યા છે-
પેન્શન નિયમોમાં ફેરફાર થશે
1 ઓક્ટોબરથી ડિજિટલ લાઇફ સર્ટિફિકેટ સંબંધિત નિયમો બદલાઇ રહ્યા છે. હવે દેશના તમામ વૃદ્ધ પેન્શનરો કે જેમની ઉંમર 80 વર્ષ કે તેથી વધુ છે તેઓ દેશની તમામ હેડ પોસ્ટ ઓફિસોના જીવન પ્રણાલી સેન્ટરમાં ડિજિટલ લાઇફ સર્ટિફિકેટ જમા કરી શકશે. આ માટે 30 નવેમ્બર સુધીનો સમય આપવામાં આવ્યો છે. લાઈફ સર્ટિફિકેટ સબમિટ કરવાનું કામ પોસ્ટ ઓફિસ દ્વારા શરૂ થવાનું છે. તેથી, ભારતીય ટપાલ વિભાગે જીવન પ્રમાણપત્ર કેન્દ્રની ID પહેલાથી બંધ હોય તો સમયસર એક્ટિવ થાય તે સુનિશ્વિત કરવા જણાવ્યું છે.
ઓટો ડેબિટ – ગ્રાહકોની પરવાનગી જરૂરી
1 ઓક્ટોબરથી રિઝર્વ બેંક ઓફ ઇન્ડિયા (RBI) પેમેન્ટ સિસ્ટમમાં મોટા ફેરફાર કરી શકે છે. RBI ઓટો ડેબિટ પેમેન્ટ સિસ્ટમના નિયમોને પહેલા કરતા વધારે સુરક્ષિત કરી શકે છે. ડિજિટલ પેમેન્ટ પ્લેટફોર્મ જેમ કે બેન્કો અને મોબાઇલ વોલેટ્સ જેમ કે પેટીએમ, ફોનપે, ફ્રીચાર્જ પર નિયમોની અસર પડશે. હવે દરેક વખતે હપ્તા અથવા બિલ પેમેન્ટ માટે, તેઓએ પહેલા યુઝર્સ અથવા ગ્રાહક પાસેથી પરવાનગી લેવી પડશે. RBI એ કહ્યું છે કે ડેબિટ કાર્ડ્સ, ક્રેડિટ કાર્ડ્સ, યુનિફાઇડ પેમેન્ટ્સ ઇન્ટરફેસ (UPI) અથવા અન્ય પ્રિપેઇડ પેમેન્ટ ઇન્સ્ટ્રુમેન્ટ્સ (PPIs) નો ઉપયોગ કરીને રિકરિંગ ટ્રાન્ઝેક્શન માટે એડિશનલ ફેક્ટર ઓથેન્ટિકેશન (AFA) ની જરૂર પડશે અને આ નિયમ 1 ઓક્ટોબરથી અમલમાં આવી શકે છે.
અત્યાર સુધી, બેન્કો અને મોબાઇલ વોલેટ્સ ઓટોમેટિક એકાઉન્ટમાંથી નિયત તારીખે પૈસા કાપી લેતા હતા અને તેનો ગ્રાહકને એસએમએસ આવતો હતો. હવે આવું થશે નહીં. હવે ઓટો ડેબિટ અથવા કાપેલા હપ્તા અથવા બિલની પેમેન્ટનો મેસેજ પહેલા આવશે. દરેક વખતે બેંક અને મોબાઈલ વોલેટને તેની પરવાનગી લેવી પડશે. તેઓએ તેમની સિસ્ટમમાં ફેરફાર કરવા પડશે અને જ્યારે પણ તેમને પરવાનગી મળશે, તે પછી પૈસા કપાશે. તે હવે ઓટોમેટિક પૈસા નહી કાપી શકે.
જૂની ચેકબુક 1 ઓક્ટોબરથી નકામી થઇ જશે
1 ઓક્ટોબરથી ત્રણ બેન્કોની ચેકબુક અને MICR કોડ અમાન્ય થઈ જશે. આ બેન્કો ઓરિએન્ટલ બેન્ક ઓફ કોમર્સ (OBC), યુનાઇટેડ બેન્ક ઓફ ઇન્ડિયા અને અલ્હાબાદ બેન્ક છે. તમને જણાવી દઈએ કે આ બેન્કો એવી છે જે તાજેતરમાં અન્ય બેંકોમાં મર્જ થઈ છે. બેંકોના વિલીનીકરણને કારણે, 1 ઓક્ટોબર, 2021 થી ખાતાધારકોના ખાતા નંબરો, IFSC અને MICR કોડમાં ફેરફારને કારણે, બેન્કિંગ સિસ્ટમ જૂનો ચેક રિજેક્ટ કરી દેશે. આ બેંકોની તમામ ચેકબુક અમાન્ય થઈ જશે.
PM કિસાનમાં રજીસ્ટ્રેશન કરાવવુ પડશે
જો તમે PM કિસાન સન્માન નિધિ યોજનાના રૂપિયા બમણા કરવા માંગો છો, તો તમારે આ કામ જલ્દી કરવું પડશે. આ પછી, જ્યારે હપ્તો આવશે, ત્યારે દરેકને 2,000 રૂપિયાના બદલે 4,000 રૂપિયા આપવામાં આવશે. આગામી 2 દિવસમાં રજીસ્ટ્રેશન કરો જેથી તમને 4000 રૂપિયા મળી શકે. ખરેખર, જો તમે પીએમ કિસાન સન્માન નિધિ હેઠળ રજીસ્ટ્રેશન કરાવ્યુ નથી, તો પછી 30 સપ્ટેમ્બર સુધીમાં તે કરી લો. આ કિસ્સામાં, તેને 4,000 રૂપિયા મળશે. તેને સતત બે હપ્તા મળશે. જો તમારી અરજી સ્વીકારવામાં આવે તો ઓક્ટોબર કે નવેમ્બરમાં તમને 2000 રૂપિયા મળશે. આ પછી, ડિસેમ્બરમાં પણ તમારા બેંક ખાતામાં 2000 રૂપિયાનો હપ્તો આવશે.
રોકાણ સંબંધિત નિયમોમાં ફેરફાર થશે
માર્કેટ રેગ્યુલેટર સેબી (સેબી) હવે મ્યુચ્યુઅલ ફંડ રોકાણકારોના હિતોને ધ્યાનમાં રાખીને એક નવો નિયમ લાવ્યો છે. આ નિયમ એસેટ અંડર મેનેજમેન્ટ (AMC) એટલે કે મ્યુચ્યુઅલ ફંડ હાઉસમાં કામ કરતા જુનિયર કર્મચારીઓને લાગુ પડશે. મેનેજમેન્ટ કંપનીઓ હેઠળની સંપત્તિના જુનિયર કર્મચારીઓએ તેમના કુલ પગારના 10 ટકા તે મ્યુચ્યુઅલ ફંડના એકમોમાં 1 ઓક્ટોબર, 2021 થી રોકાણ કરવું પડશે. જ્યારે 1 ઓક્ટોબર, 2023 સુધીમાં તબક્કાવાર તે પગારનો 20 ટકા હશે. સેબીએ તેને સ્કિન ઇન ધ ગેમ ગણાવી છે. રોકાણનો લોક-ઇન પીરિયડ પણ હશે.
એલપીજી સિલિન્ડરની કિંમતોમાં ફેરફાર થશે
1 ઓક્ટોબરથી એલપીજી સિલિન્ડરના ભાવમાં ફેરફાર થશે. તમને જણાવી દઈએ કે દર મહિનાની પહેલી તારીખે ઘરેલુ એલપીજી અને કોમર્શિયલ સિલિન્ડરોના નવા ભાવ નક્કી થાય છે.
પ્રાઇવેટ દારૂની દુકાનો બંધ
1 લી ઓક્ટોબરથી દિલ્હીમાં પ્રાઇવેટ દારૂની દુકાનો બંધ રહેશે. 16 નવેમ્બર સુધી દારૂ માત્ર સરકારી દુકાનોમાં જ વેચવામાં આવશે. ડેપ્યુટી સીએમ મનીષ સિસોદિયાએ જણાવ્યું હતું કે નવી એક્સાઈઝ પોલિસી હેઠળ રાજધાનીને 32 ઝોનમાં વહેંચીને લાઈસન્સની ફાળવણીની પ્રક્રિયા કરવામાં આવી છે. હવે 17 નવેમ્બરથી દુકાનો નવી પોલીસી હેઠળ જ ખુલશે.
Read Also
- ઈઝરાયલને ના ગમી ન્યાયતંત્રમાં સુધારો કરવા અંગેની અમેરિકાની આ સલાહ, જાણો સમગ્ર મામલો
- Flightમાં મુસાફરી કરતા પહેલા આ ફુડ્સ ભૂલથી પણ ન ખાઓ, થઈ શકે છે મોટી સમસ્યા
- IPL 2023 / અમદાવાદમાં પ્રથમ મેચ પહેલા ચેન્નઈને ઝટકો, આ ખેલાડી સમગ્ર ટૂર્નામેન્ટમાંથી આઉટ
- રાજકારણ / મોહમ્મદ ફૈઝલને ફરી લોકસભાનું સભ્યપદ અપાતાં રાહુલ પણ ફરી સાંસદ બનશે તેવી આશા જાગી
- Vitamin D Deficiency: વિટામિન ડીની ઉણપને દૂર કરવા માટે પીઓ આ હેલ્ધી ડ્રીંક્સ