GSTV

ગુજરાતના આ શહેરમાં નથી ઊજવાતી ઉત્તરાયણ, ગરવો ગઢ ગીરનાર બને છે વિલન

સમગ્ર રાજ્યમાં ઉતરાયણનો તહેવાર ધામધૂમથી ઉજવાય છે. પણ જુનાગઢમાં ઉતરાયણનું પર્વ હંમેશા નિરુત્સાહ હોય છે. કેમકે અહીંની ભૌગોલીક પરિસ્થિતી એવી છે કે અહીં ઉતરાયણ પર પવન જ નથી હોતો. જેના કારણે અહીંના લોકો ઉતરાયણ પણ પતંગ ઉડાવતા જ નથી.

  • ગરવો ગઢ ગીરનાર બને છે અવરોધ
  • ઉતરાયણ પણ નથી હોતો પવન
  • જૂનાગઢમાં નથી ઉજવાતી ઉતરાયણ

ઉતરાયણના પર્વમાં ગુજરાતના મોટાભાગના શહેરોમાં પતંગ ઉડાવાની મોજ મણાતી હોય છે. પણ જૂનાગઢમાં આવા દ્રશ્યો નથી જોવા મળતા. કેમકે જૂનાગઢમાં ગરવો ગઢ ગીરનાર જે જૂનાગઢની ઓળખ છે. તે જ ગરવો ગઢ ગીરનાર ઉતરાયણમાં પતંગ શોખીનો માટે અવરોધરૂપ બને છે. કેમકે ગીરનારની ગીરીમાળાઓના કારણે જૂનાગઢ શહેરમાં પવન જોઇએ તેવો હોતો નથી. જેના કારણે જૂનાગઢવાસીઓ ઉતરાયણના પર્વ પણ પતંગ જ ઉડાવતા નથી. તો આ વાતને લઇને દંતકથા પણ ખુબ જ પ્રચલિત છે.

જુનાગઢના નવાબ પતંગના ખૂબ શોખીન હતા અને સોનાની ઘૂઘરી બાંધેલી દોર સાથે નવાબની પતંગ આકાશમાં ઉડતી. એકવાર કોઇએ નવાબની પતંગ કાપી નાખી હતી. ત્યારથી નવાબે પતંગ ચગાવાનું બંધ કરી દીધું. જે આજે પણ લોકો અપનાવી રાખ્યું હોય તેવું લાગી રહ્યું છે. જૂનાગઢની આ અનોખી પરંપરા થોડી વિચિત્ર છે. પણ તેની પાછળ ભૌગોલિક કહો કે દંતકથાનો ઇતિહાસ એટલું ચોક્કસ છે કે ઉતરાયણ જો ઉજવવી હોય તો ક્યારેય જૂનાગઢ ન જવાય કેમકે જૂનાગડમાં આકાશ કોરુધાકોર જ જોવા મળે છે.

READ ALSO

Related posts

સુરત : ધોરણ 10 અને 12 ની ખોટી માર્કશીટ બનાવનાર ગેંગની ધરપકડ

Nilesh Jethva

સુરત : વ્યાજખોરોના ત્રાસથી ગેરેજ માલિકનો આપઘાત, સ્યૂસાઈડ નોટમાં કરેલા ખુલાસાથી ખળભાળાટ

Nilesh Jethva

અમદાવાદ : આ જિલ્લા પંચાયતના સભ્ય આવતીકાલથી શરૂ કરશે ઉપવાસ આંદોલન, વિકાસના કામો ન થતા હોવાનો આક્ષેપ

Nilesh Jethva
Do NOT follow this link or you will be banned from the site!