GSTV

ભારતમાં ભાગલા જેવી સ્થિતિ બની ગઈ છે, CAA મુદ્દે બ્રિટનની પાર્લામેન્ટમાં ચર્ચા

યુરોપિયન યુનિયનની સંસદ બાદ હવે બ્રિટનની સંસદમાં પણ ભારતના કાયદા સીએએને લઇને ચર્ચા થઇ રહી છે. યુકેના હાઉસ ઓફ લોર્ડમાં સીએએ કાયદો શું છે અને તેની ભારતના નાગરિકો પર શું અસર થશે તેના પર ચર્ચા કરવામાં આવી હતી. બ્રિટનમાં હાઉસ ઓફ લોર્ડ સંસદનું ઉપલુ અને ટોચનું ગૃહ માનવામાં આવે છે જેમાં સીએએ, એનઆરસી મુદ્દે ચર્ચા કરી ચિંતા વ્યક્ત કરવામાં આવી હતી.

દિલ્હીની હિંસા સમયે થઈ ચર્ચા

આ ચર્ચા એવા સમયે થઇ રહી છે જ્યારે દિલ્હીમાં હિંસાને પગલે અનેક લોકો માર્યા ગયા છે અને તે અંગે અમેરિકામાં પણ નેતાઓ દ્વારા નિવેદનો જાહેર થવા લાગ્યા છે સાથે સંયુક્ત રાષ્ટ્રએ પણ નોંધ લીધી છે. દિલ્હીમાં જે હિંસા થઇ તેમાં સીએએના સમર્થકો અને વિરોધીઓ બન્ને સામેલ હતા. આવી સ્થિતિમાં સીએએ કાયદા અંગે બ્રિટનની સંસદમાં ચર્ચા થઇ રહી છે.

નરેન્દ્ર મોદીની સાથે વાત કરવી જોઈએ

બ્રિટનની સંસદમાં સીએએ અંગે ચર્ચા માટેનો જે પ્રસ્તાવ રજુ કરવામાં આવ્યો તેમાં એવી માગણી કરવામા આવી હતી કે બ્રિટન સરકારે સીએએ મુદ્દે ભારતના વડા પ્રધાન નરેન્દ્ર મોદીની સાથે વાત કરવી જોઇએ. અને સીએએ મુદ્દે ભારત સરકાર ફરી વિચારણા કરે તે માટે બ્રિટન સરકારે રજુઆત કરવી જોઇએ કેમ કે આ કાયદાનો ભારતમાં ભારે વિરોધ થઇ રહ્યો છે જેમાં અનેક લોકોના મોત પણ નિપજ્યા છે.

ભારત પર નજર રાખી રહ્યાં છે

બીજી તરફ બ્રિટન સરકારે કહ્યું છે કે અમે હાલ સીએએ અને એનઆરસી તેમજ અન્ય જે પણ કાયદા આવી રહ્યા છે તેને લઇને ભારત પર નજર રાખી રહ્યા છીએ. આ કાયદાથી ભારતમાં ભાગલા જેવી સ્થિતિ બની ગઇ છે અને તેને લઇને ચિંતાજનક સ્થિતિ ઉભી થઇ છે.

READ ALSO

Related posts

અમદાવાદમાં 50 તો આર્થિક રાજધાની મુંબઈમાં 143 નવા CORONAના કેસોએ દેશમાં વધારી દીધી ચિંતા

Mansi Patel

કરન્સી નોટ મારફતે પણ કોરોના ન ફેલાય તે માટે અમદાવાદના યુવકે વિકસાવ્યું ખાસ મશીન

pratik shah

ફ્રીમાં ભરાવી જાઓ અમારા ત્યાંથી પેટ્રોલ, કોરોનાની મહામારીમાં આ ગુજરાતી આવ્યા મદદે

Bansari
Do NOT follow this link or you will be banned from the site!