GSTV
Gujarat Government Advertisement

ફફડાટ/ કોરોનાની ત્રીજી લહેર બાળકો માટે હશે જીવલેણ, વિશેષજ્ઞોએ વ્યક્ત કરી ખતરનાક આશંકા

કોરોના

Last Updated on May 6, 2021 by Bansari

દેશમાં કોરોના મહામારીની બીજી લહેર બેકાબૂ બનતી જઇ રહી છે. દરરોજ કોરોના સંક્રમિત દર્દીઓની સંખ્યા વધી રહી છે. એક તરફ જ્યાં દેશમાં કોરોનાની બીજી લહેરે કોહરામ મચાવી રાખ્યો છે, ત્યાં વિશેષજ્ઞોએ અત્યારથી જ ત્રીજી લહેરની આશંકા વ્યક્ત કરી છે. વિશેષજ્ઞો અનુસાર કોરોનાની ત્રીજી લહેર બાળકો માટે જીવલેણ સાબિત થઇ શકે છે. વિશેષજ્ઞો અનુસાર દેશમાં કોરોનાની પહેલી લહેર વૃદ્ધો માટે ખતરો બની હતી જ્યારે બીજી લહેર યુવાનો માટે ખતરનાક સાબિત થઇ હતી. વિશેષજ્ઞોનું માનવુ છે કે કોરોનાની ત્રીજી લહેર બાળકો માટે જીવલેણ સાબિત થઇ શકે છે. વિશેષજ્ઞોએ આશંકા વ્યક્ત કરી છે કે ભારતમાં કોરોનાની ત્રીજી લહેર સપ્ટેમ્બર સુધીમાં આવી શકે છે.

કોરોના

કોરોનાની ત્રીજી લહેર બાળકો માટે ઘાતક સાબિત થઇ શકે છે

એક રિપોર્ટ અનુસાર, બાળ ચિકિત્સા અને સંક્રામક રોગોના વિશેષજ્ઞોનું કહેવુ છે કે કોરોનાની ત્રીજી લહેરને જોતા બાળકોના રસીકરણનો કાર્યક્રમ શરૂ કરી દેવો જોઇએ. જો સરકારે આ અંગે જલ્દી કોઇ પગલા ન લીધા તો કોરોનાની ત્રીજી લહેર બાળકો માટે ઘાતક સાબિત થઇ શકે છે. સંક્રામક રોગોનાના વિશેષજ્ઞનું કહેવુ છે કે, એવા સમયમાં જ્યારે કોરોનાની ત્રીજી લહેર વિશે આશંકા વ્યક્ત કરવામાં આવી છે, તેવામાં રસીકરણ ન થવાથી બાળકોમાં જોખમ વધી જશે. જણાવી દઇએ કે કોરોના વેક્સિનને આ સમયે કોરોનાથી બચવાનું સૌથી મોટુ હથિયાર માનવામાં આવી રહ્યું છે.

કોરોના

ત્રીજી લહેર આવી તો સૌથી વધુ ખતરો આ જ બાળકોને થશે

વિશેષજ્ઞોએ કહ્યું કે કોરોનાનું નવુ સંક્રમણ ભલે બાળકોમાં કોઇ પ્રકારની ગંભીર સમસ્યા પેદા ન કરી રહ્યું હોય, પરંતુ કોરોનાની બીજી લહેરમાં બાળકો બીમાર જરૂર પડી રહ્યાં છે. પહેલી લહેરની અપેક્ષાએ જી લહેરમાં મુંબઇ પુણે જેવા શહેરોમાં બાળકો વધુ સંક્રમિત થયા છે. તેવામાં જો ત્રીજી લહેર આવી તો સૌથી વધુ ખતરો આ જ બાળકોને થશે. તેવામાં આપણે હવે બાળકોને રસી આપવાની જરૂર છે.

કોરોના વાયરસની તબાહીથી આખા દેશમાં ભયનું વાતાવરણ વ્યાપ્યું છે. આ બધા વચ્ચે કોવિડ-19 મામલે ભવિષ્યવાણી કરનારા સરકારના મેથેમેટિકલ મોડેલિંગ એક્સપર્ટ પ્રોફેસર એમ. વિદ્યાસાગરના કહેવા પ્રમાણે 7 મેના રોજ કોરોનાની બીજી લહેર પીક પર પહોંચી શકે છે. આ કારણે હેલ્થ સેક્ટર્સે આ તારીખ પહેલા જ તૈયાર રહેવું પડશે.

કોરોના

7 મેના રોજ કોરોના પીક પર હશે

પ્રો. વિદ્યાસાગરના મતે આ સપ્તાહના અંતથી કોરોનાના કેસ ઘટવા લાગશે. 7 મેના રોજ કોરોના પીક પર હશે અને ત્યાર બાદ કેસની સંખ્યા ઘટવાનું શરૂ થશે. જો કે, આ લહેર વિભિન્ન રાજ્યોમાં વિભિન્ન સમયે ચરમ પર હશે. સંયુક્ત રીતે જોઈએ તો કોરોનાની લહેર પીક પર છે અથવા તો તેનાથી ખૂબ નજીક છે.

કોરોના

જે રાજ્યો મહારાષ્ટ્રની નજીક છે ત્યાં કોરોના જલ્દી પીક પર આવશે

પ્રો. વિદ્યાસાગરનો અંદાજો સાચો પડે તો તે સમગ્ર દેશ માટે રાહતની વાત કહેવાય કારણ કે, આ સપ્તાહના અંત સુધીમાં દેશ કોરોનાની બીજી લહેરની પીકને પાર કરી જશે. તેમના કહેવા પ્રમાણે બીજી લહેરની શરૂઆત મહારાષ્ટ્રથી થઈ હતી. જે રાજ્યો મહારાષ્ટ્રથી દૂર છે ત્યાં કોરોનાના કેસ ધીરે-ધીરે પીક પર આવશે અને તેમનું ડિક્લાઈન પણ સ્લો રહેશે. પરંતુ જે રાજ્યો મહારાષ્ટ્રની નજીક છે ત્યાં કોરોના જલ્દી પીક પર આવશે અને જોખમ પણ જલ્દી જ ઘટવા લાગશે.

પ્રો. વિદ્યાસાગરના મતે મે મહિના બાદ કોઈ રાજ્યમાં કોરોના પીક પર નહીં રહે તેવી સંભાવના છે. વધુમાં વધુ આગામી 10-15 દિવસમાં ભારતનું દરેક રાજ્ય પીક પર હશે અને ત્યાંથી જ કેસ ઘટવાની શરૂઆત થશે. કોરોનાની બીજી લહેર જેટલી વધારે ગતિથી ઉપર આવી હતી તેટલી જ ઝડપથી નીચે પણ જશે.

દેશમાં આજે ફરી નોંધાયા રેકોર્ડબ્રેક કોરોના કેસ

દેશમાં કોરોનાનો કોહરામ જારી છે. છેલ્લા 24 કલાકમાં દેશમાં નોંધાયેલા કેસોએ અત્યાર સુધીના તમામ રેકોર્ડ તોડી નાંખ્યા છે. બુધવારે દેશમાં કોરોનાના 412,618 નવા કેસ સામે આવ્યા છે. આ બીજી વખત છે, જ્યારે દેશમાં કોરોનાના 4 લાખથી વધુ કેસ સામે આવ્યા છે. અગાઉ 30 એપ્રિલના રોજ દેશમાં કોરોનાના 4,02,351 નવા કેસ સામે આવ્યા હતા. આ ઉપરાંત કોરોનાથી થતા મૃત્યુએ પણ એક નવો રેકોર્ડ બનાવ્યો. છેલ્લા 24 કલાકમાં 3,980 લોકોએ જીવ ગુમાવ્યો. એક દિવસમાં પ્રથમ વખત આટલા દર્દીઓ કોરોનાથી મૃત્યુ પામ્યા છે.

Read Also

Gujarat Government Advertisement

Related posts

મોટા સમાચાર / જામનગર જીજી હોસ્પિટલ યૌન શોષણ કેસ: પોલીસે આખરે ફરિયાદ નોંધી, મુખ્ય આરોપી સહિત બેની ધરપકડ

Zainul Ansari

પ્રખ્યાત ડેટિંગ એપ્લિકેશન Bumbleએ બંધ કરી તેની ઓફિસ, વર્કર્સને આપ્યો 1 અઠવાડિયાનો Paid Break; જાણો આનું કારણ

Vishvesh Dave

Result / સરકારી શાળાઓનું 9મા – 11મા ધોરણનું પરિણામ જાહેર, 80 ટકાથી વધુ પાસ

Zainul Ansari
Do NOT follow this link or you will be banned from the site!