ભારતના સૌથી મહત્વકાંક્ષી અંતરિક્ષ મિશન ચંદ્રયાન-2ને ફરી લોન્ચ કરવાની તૈયારીઓ શરૂ કરાઇ છે. સુત્રો દ્વારા મળતી માહિતી મુજબ ઇસરો 21 અથવા 22 જુલાઇના રોજ ફરી એક વખત ચંદ્રયાન-2ને લોન્ચ કરી શકે છે. જેથી યાનના ચંદ્રની ભ્રમણકક્ષામાં પ્રવેશવા માટે પૂરતો સમય મળી શકે. મહત્વનું છે કે 15 જુલાઇના રોજ ચંદ્રયાન-2 લોન્ચ થવાનું હતું. પરંતુ જીએસએલવી એમકે-થ્રીમાં ક્રાયોજેનિક સ્ટેજ પર આખરી ઘડીએ ટેકનિકલ ખામી સર્જાતા લોન્ચિંગ મોકૂફ રાખવાની ફરજ પડી હતી. હાલમાં ઇસરોના એન્જિનિયર આ ટેકનિકલ ખામીને દૂર કરી રહ્યા છે.
ઇસરો હાલમાં બે શેડ્યુલ પર ધ્યાન કેન્દ્રિત કરી રહી છે. જે અંતર્ગત 22 જુલાઇના રોજ સવારે લોન્ચ માટે વિચારણા થઇ રહી છે. જો કે 21 જુલાઇના રોજ એટલે કે રવિવારે પણ મિશન લોન્ચ થઇ શકે છે. જો કે ઇસરો દ્વારા આ મામલે કોઇ સત્તાવાર જાહેરાત કરાઇ નથી. પરંતુ 21 અથવા 22 જુલાઇના રોજ ચંદ્રયાન-2 લોન્ચ કરવાનો ઇસરોનો લક્ષ્યાંક છે.
અત્રે મહત્વનું છે કે દેશની અગ્રણી અવકાશ સંશોધન સંસ્થા ભારતીય અંતરિક્ષ અનુસંધાન સંસ્થાન(ISRO) દ્વારા બીજા મૂન મિશન ચંદ્રયાન-2નું લોન્ચિંગ ટેક્નિકલ ખામીને કારણે રોકી દેવાયું હતું. લોન્ચ થવાના 56.24 સેકન્ડ પહેલા જ ચંદ્રયાન-2નું કાઉન્ટડાઉન રોકવામાં આવ્યું હતું. ત્યારે ઇસરો દ્વારા સત્તાવાર રીતે જાહેરાત કરવામાં આવી હતી કે, હવે પછીની નવી તારીખો ખુબ જલ્દી જાહેર કરવામાં આવશે.
READ ALSO
- વિધાનસભા સત્રનો આજે બીજો દિવસ, બિન સહકારી વિધેયકનો પ્રસ્તાવ મૂકાશે
- સૌરાષ્ટ્રના ખેડૂતો માટે ખુશીના સમાચાર! રાજકોટ માર્કેટ યાર્ડમાં વિવાદનો આવ્યો અંત
- રાજકોટમાં ઈસરોની પ્રદર્શની સાથે ત્રણ દિવસના સાયન્સ કાર્નિવલનો પ્રારંભ, વિદ્યાર્થીઓએ તૈયાર કર્યા આધુનિક રોબોટ-રોકેટ
- શિક્ષિકાએ ઢોર માર મારતા હોસ્પિટલમાં દાખલ થયો વિદ્યાર્થી, ‘સોટી વાગે સમસમ અને વિદ્યા આવે રમઝમ…’નો બહોળા પ્રમાણમાં કર્યો ઉપયોગ
- ‘કોના કહેવાથી આવ્યા છો?’ વિપક્ષ નેતા બદલવાની માગ લઈ ગયેલા કોંગ્રેસીઓ પર રાજીવ સાતવ ભડક્યા