ગુજરાતના આ MPએ લોકસભા ચૂંટણીની તારીખ, કોણ બનશે PM જણાવી દીધું

પંચમહાલના સાંસદ પ્રભાતસિંહ ચૌહાણે નવા વર્ષની શરૂઆત નવી ડંફાસ મારી છે. પ્રભાતસિંહે દાવો કર્યો છે કે 30 એપ્રિલે લોકસભા ચૂંટણી નક્કી છે. લોકસભા ચૂંટણીની જાહેરાત કરવાની સાથે જ તેમણે ત્રીજી ટર્મ માટે ટિકિટની દાવેદારી કરી છે. સાથે જ તેમણે ભવિષ્યવાણી કરી છે કે આગામી ચૂંટણી તેઓ ત્રણ લાખ મતોથી જીતશે. અને ભાજપ તમામ સાંસદોને રિપિટ કરશે. પ્રભાતસિંહે તો એવું પણ ભવિષ્ય ભાખી દીધું કે નરેન્દ્ર મોદી ફરી વડાપ્રધાન બનશે.

આ ઉપરાંત તેમણે અમદાવાદનું નામ બદલી કર્ણાવતી કરવાની જનતાની માંગને ટેકો આપ્યો છે. સાથે જ તેમણે પંચમહાલમાંથી પાવાગઢને અલગ જિલ્લો બનાવવાની પણ માંગ કરી છે. પ્રભાતસિંહ માને છે કે જિલ્લો નાનો હોય તો જ વિકાસ થાય. નવા વર્ષ નિમિતે શુભેચ્છકોના જમાવડો વચ્ચે સાંસદે આવી નિવેદન બાજી કરી હતી.

ADVERTISEMENT
GSTVના લેટેસ્ટ News અને Videos માટે લાઈક કરો Youtube Twitter