GSTV

મોદીએ લીલીઝંડી આપેલી પ્રધાન મંત્રી મુદ્રા યોજનામાં પણ 17 હજાર લટક્યા, 6.04 લાખ કરોડની અપાઇ છે લોન

Last Updated on December 4, 2019 by Mayur

પ્રધાન મંત્રી મુદ્રા યોજના (પીએમએમવાય) હેઠળ મંજૂર કરવામાં આવેલ 6.04 લાખ કરોડ રૂપિયાની લોન પૈકી 3 ટકા લોન એનપીએ બની ગઇ છે તેમ સરકારે આજે જણાવ્યું હતું. ઉલ્લેખનીય છે કે વડાપ્રધાન નરેન્દ્ર મોદીએ 8 એપ્રિલ, 2015ના રોજ પીએમએમવાયની શરૂ કરી હતી. આ યોજના હેઠળ નોન-કોર્પોરેટ, બિન ખેતી સ્મોલ/ માઇક્રો એન્ટરપ્રાઇઝને દસ લાખ રૂપિયા સુધીની લોન આપવામાં આવે છે. 

રાજ્યસભામાં પીએમએમવાય અંગે પૂછવામાં આવેલા એક પ્રશ્રના જવાબમાં નાણા મંત્રાલયના રાજ્ય કક્ષાના પ્રધાન અનુરાગ ઠાકુરે પણ જણાવ્યું હતું કે પીએમએમવાયના અમલીકરણ સંબધમાં અનેક ફરિયાદો મળી છે. જેમાં લોન અરજીઓ ધ્યાનમાં ન લેવી, લોન મંજૂર કરવામાં વિલંબ જેવી ફરિયાદોનો સમાવેશ થાય છે. 

પ્રધાને એક નિવેદનમાં જણાવ્યું હતું કે શિડયુલ્ડ કોમર્શિયલ બેંક(એસસીબી), રિજિયોલ રૂરલ બેંક(આરઆરબી)એ આપેલી માહિતી મુજબ માર્ચ, 2019ના અંત સુધીમાં પીએમએમવાય હેઠળ આપવામાં આાવેલી કુલ 6.04 લાખ કરોડ રૂપિયાની લોન પૈકી 17,251.52 કરોડ રૂપિયા એનપીએ બની ગયા છે. જે કુલ લોનના 2.86 ટકા થાય છે.  પીએમએમવાય હેઠળ આપવામાં આવતી લોન મુદ્રા તરીકે ઓળખાય છે.

આ યોજના હેઠળ ત્રણ કેટેગરી શિશુ, કિશોર અને તરૂણ હેઠળ લોન આપવામાં આવે છે.  અન્ય એક પ્રશ્રના જવાબમાં પ્રધાને જણાવ્યું હતું કે જાહેર ક્ષેત્રની બેકોની શાખાઓ નોંધપાત્ર વધારો થયો છે. માર્ચ, 2014ના અંતે સરકારી બેંકોની શાખાઓની સંખ્યા 78,939 હતી જે વધીને માર્ચ, 2019ના અંતે 87,580 થઇ ગઇ છે. 

પ્રધાને વધુમાં જણાવ્યું હતું કે સરકારી બેકોએ નાણાકીય વર્ષ 2014-15માં 47,658 કરોડ રૂપિયા, 2015-16માં 56,847 કરોડ રૂપિયા, 2016-17માં  79,048કરોડ રૂપિયા, 2017-18માં  1,24,275 કરોડ રૂપિયા અને 2018-19માં 1,86,632 કરોડ રૂપિયા માંડી વાળ્યા હતાં. જે પૈકી કૃષિ લોનનો અનુક્રમે 2833 કરોડ રૂપિયા, 6361 કરોડ રૂપિયા, 7091 કરોડ રૂપિયા, 10,345 કરોડ રૂપિયા અને 12,556 કરોડ રૂપિયાનો સમાવેશ થાય છે.

READ ALSO

Related posts

50 હજાર રૂપિયામાં શરુ કરો આ બિઝનેસ, 5 લાખ સુધી થશે કમાણી; સરકાર આપશે 40% સબસિડી

Damini Patel

મહામારી/ આ છે Omicron Variantના 3 સૌથી મોટા લક્ષણો, કોરોનાના અન્ય સ્ટ્રેનથી બિલકુલ અલગ

Bansari

ફોન પર કહ્યું હું કિડનૈપ થઈ ગયો છું, આખી રાત 600 પોલીસ જવાનો શોધતા રહ્યા, સવારે બોલ્યો-થોડો છાંટોપાણી કર્યું હતું એમાં આવું થયું

Pravin Makwana
Do NOT follow this link or you will be banned from the site!