GSTV
Home » News » ગુજરાતનાં નેતાઓ હદ કરે છે: દિવસે સેટિંગ ન થાય તો કારી રાતે પાણીની ચોરી કરે છે

ગુજરાતનાં નેતાઓ હદ કરે છે: દિવસે સેટિંગ ન થાય તો કારી રાતે પાણીની ચોરી કરે છે

ભાદર ડેમમાંથી મોટા પ્રમાણમાં પાણીની ચોરી કરી નદીમાં પાણી ઠાલવવામાં આવતુ હોવાનો ચોકાવનારો ખુલાસો થયો છે. ડેમમાંથી ભાદર સિંચાઇ ખાતાના કેટલાક અધિકારીઓ રાજકીય ઓથ હેઠળ ડેમની બાજુમાં આવેલા ગામને ફાયદો પહોંચાડવા માટે ડેમની માઇનોર કેનાલનો ગેટ રાત્રીના સમયે ખોલીને ડેમનું પાણી નદીમાં વહેડાવી રહ્યા છે. રાજકોટ, જેતપુર, ગોંડલ, વીરપુર, ખોડલધામ અને અમરનગર જૂથ યોજનાને પીવાનું પાણી પૂરું પાડતા ભાદર ડેમમાં હાલ ૧૭ ફૂટ જેટલો પાણીનો જથ્થો છે.

શિયાળાની શરૂઆતમાં આ ડેમમાંથી કેનાલ મારફત સિંચાઇ માટે પાણી પણ આપવામાં આવ્યું હતું. હાલ ડેમમાં કરકસર કરી માંડ માંડ આવતું ચોમાસું ચાલે તેટલો પાણીનો જથ્થો બચ્યો છે. સ્થાનિક લોકોનો આક્ષેપ છે કે, સ્થાનિક નેતાઓ મતબેંકને જાણળવી રાખવા માટે સિંચાઈ ખાતાના અધિકારીઓને પાણીની ચોરી માટે મજબુર કરી રહ્યા છે.

ડેમમાંથી થોડા ઘણા ખેડુતો પાઇપ લાઇનો દ્વારા પાણી ચોરી કરે તો ડેમમાંના પાણીના જથ્થામાં કંઈ ફરક પણ ન પડે પરંતુ ડેમનું પાણી નદીમાં વહેડાવી પાણી ચોરી કરાવે તો નદીમાં પાણીનો ખોટો વેડફાટ પણ થાય તેમ છે. જેતપુર નગરપાલિકાના પાણીના સંપ પાસે ભાદર કેનાલ શરૂ થાય છે આ કેનાલમાંથી માઇનોર કેનાલનો એક ગેઇટ છે જે ગેઇટમાંથી પાણી છોડવાથી પાણી લીલાખા ગામ બાજુની માઇનોર કેનાલ અને ભાદર નદીમાં પણ વહી જાય છે.

સ્થાનીક નેતાઓ દ્વારા સિંચાઇ ખાતાના અધિકારીઓને પ્રલોભન આપી બે દિવસ પહેલા માઇનોર કેનાલનો અડધો ગેટ ખોલાવી નાખ્યો હતો. જેના કારણે આજે નદીમાં ચારથી પાંચ ફૂટ જેટલું પાણી ભરાઈ ગયું છે. એટલે કે મૂશળધાર વરસાદ વરસ્યો હોય તેટલુ પાણી નદીમાં આવી ગયું છે. અછતની આવી પરિસ્થિતીમાં માત્રને માત્ર પોતાની મતબેંક સાચવવા પાણી વેડફાટ કરવો એ યોગ્ય ન હોવાનું જાગૃત નાગરીકોઓ જણાવી રહ્યા છે.

READ ALSO

Related posts

રાજકોટ શહેરમાં મેઘરાજાએ મહેર કરતા શહેરીજનોમાં આંનદ છવાયો

Nilesh Jethva

પ્રધાનમંત્રી આવાસ યોજના, ૨૧ હજાર આવાસોના નિર્માણ માટે રૂા.૨૫૦ કરોડની કરાઈ જોગવાઇ

Path Shah

અમદાવાદની વિવિધ કોલેજોમાં સેલ્ફ ડીફેન્સ કાર્યક્રમનું આયોજન કરાયું, કરાટે અને એસીડ એટેકથી બચવા અપાઈ તાલીમ

Nilesh Jethva
Do NOT follow this link or you will be banned from the site!