GSTV
ANDAR NI VAT India News Trending

હિમાચલમાં સુખુ સરકાર પર આર્થિક સંકટ! / સરકાર પાસે રોજીરોટીનો ખર્ચ ચલાવવા માટે પણ પૈસા નથી, OPS વધારી રહ્યું છે ટેન્શન?

હિમાચલ પ્રદેશમાં સત્તા પર રહેલી કોંગ્રેસની સુખુ સરકાર આર્થિક સંકટનો સામનો કરી રહી છે જેના પગલે પ્રદેશની હાલત કફોડી થઈ ગઇ છે. સુખુ કેબિનેટના વરિષ્ઠ મંત્રી અને ઉદ્યોગ વિભાગ સંભાળતા હર્ષવર્ધન ચૌહાણે જાહેરાત કરી છે કે રાજ્યની તિજોરી ખાલી છે. સ્થિતિ એવી છે કે રાજ્ય સરકાર પાસે રોજીરોટીનો ખર્ચ ચલાવવા માટે પણ પૈસા નથી. મહત્વની વાત એ છે કે રાજ્યની નબળી આર્થિક સ્થિતિનો સામનો કરવા માટે સરકાર તેના મહેસૂલી ખર્ચમાં ઘટાડો કરશે અને નાણાકીય સંસાધનો વધારવાની સાથે નકામા ખર્ચને પણ અટકાવશે. આવક સંબંધિત તમામ ખર્ચમાં કાપ મૂકવા માટે સરકારમાં મંથન ચાલી રહ્યું છે.


ઉલ્લેખનીય છે કે હિમાચલ રાજ્ય 75 હજાર કરોડ રૂપિયાના દેવામાં ડૂબી ગયું છે. જ્યારે આ વર્ષે જૂની પેન્શન સ્કીમ (OPS) લાગુ થવાથી રાજ્ય સરકાર પર 800 થી 900 કરોડનો નાણાકીય બોજ પડશે. સરકાર સમક્ષ આ રકમ વધારવી એક મોટો પડકાર બની ગયો છે. આ સિવાય સરકારે કર્મચારીઓને 11,000 કરોડ રૂપિયાનું એરિયર્સ પણ ચૂકવવાનું છે. કર્મચારીઓના પગાર અને પેન્શનની ચૂકવણીમાં સરકારની તિજોરીમાંથી મોટી રકમ ખર્ચવામાં આવે છે.

ઉદ્યોગ મંત્રી હર્ષવર્ધન ચૌહાણે પત્રકારો સાથેની વાતચીતમાં જણાવ્યું હતું કે રાજ્યની તિજોરી ખાલી છે. સ્થિતિ એવી છે કે રાજ્ય સરકાર પાસે રોજીરોટીનો ખર્ચ ચલાવવા માટે પણ પૈસા નથી. તેમણે કહ્યું કે રાજ્યની આર્થિક સ્થિતિ સારી નથી. મુખ્યમંત્રીએ તમામ મંત્રીઓ પાસેથી ખર્ચ ઘટાડવા અને આવક વધારવા માટે સૂચનો માંગ્યા છે. તમામ મંત્રીઓએ સરકારી વિભાગોમાં મહેસૂલ વધારવા, ઉચાપત અટકાવવા અને દેવાનો બોજ ઘટાડવા અંગેનો અહેવાલ એક મહિનામાં મુખ્યમંત્રીને સુપરત કરવાનો રહેશે. આવી સ્થિતિમાં સુખુએ ખર્ચ ઘટાડવા કડક આદેશ આપ્યા છે.

READ ALSO

Related posts

જાણો તમારું આજનું 04 ફેબ્રુઆરી, 2023નું રાશિ ભવિષ્ય

Padma Patel

આ 6 પ્રકારની સમસ્યા આપી શકે છે હાર્ટએટેકને આમંત્રણ, જાણો હાર્ટએટેકથી બચવાના ઉપાય

GSTV Web Desk

34 પ્રકારના કેન્સરને નોતરે છે આ ફૂડ આઈટમ, જો તમે પણ ખાતા હોય તો ચેતી જજો

GSTV Web Desk
GSTV