લોકસભામાં પ્રચંડ બહુમતિ મેળવી હોવા છતાં રાજ્યસભામાં વિપક્ષોનું સંખ્યાબળ વધુ હોવાથી સરકારને અનેક બિલ પસાર કરાવવામાં અવરોધનો સામનો કરવો પડી શકે છે. લોકસભા સત્રના પ્રથમ બે દિવસ તમામ નવનિયુક્ત સભ્યોને શપથ લેવડાવવામાં આવશે.19 જૂનના રોજ સ્પીકરની ચૂંટણી થશે. અને 20 જૂનના રોજ રાષ્ટ્રપતિ સંસદના સંયુક્ત સત્રને સંબોધિત કરશે.
પ્રથમ સત્રમાં જ સરકાર અનેક મહત્વના બિલને કાયદાનું સ્વરૂપ આપવાની કોશિશ કરશે. મોદી સરકારનો પ્રયાસ એ રહેશે કે સંસદના પહેલા સત્રમાં 10 વટહુકમને કાયદાનું સ્વરૂપ આપવામાં આવે. જો કે સૌ કોઇની નજર ટ્રિપલ તલાક બિલ પર રહેલી છે.પરંતુ કોંગ્રેસ અને ખુદ એનડીએની સહયોગી પાર્ટી જેડીયુએ ટ્રિપલ તલાક બિલનો વિરોધ કરવાનું જાહેર કરતા સરકારની મુશ્કેલી વધી શકે છે.
જો કે ટ્રિપલ તલાક પર પ્રતિબંધ સંબંધી વટહુકમ આ વખતે સંસદના બંને ગૃહમાં પસાર થઇ જાય તેવી મોદી સરકારની પૂરી કોશિશ રહેશે. સરકાર સત્રમાં જે મહત્વના બિલ રજૂ કરવા જઇ રહી છે તેમાં જમ્મુ અને કાશ્મીર અનામત (સંશોધન) વટહુકમ… કંપની (સંશોધન) વટહુકમ… આધાર અને અન્ય કાનૂન (સંશોધન) વટહુકમ… ઇન્ડિયન મેડિકલ કાઉન્સિલ (સંશોધન) વટહુકમ…
નવી દિલ્હી આંતરરાષ્ટ્રીય મધ્યસ્થતા કેન્દ્ર વટહુકમ, હોમિયોપેથી કેન્દ્રીય પરિષદ (સંશોધન) વટહુકમ… વિશેષ આર્થિક ક્ષેત્ર (સંશોધન) વટહુકમ… અને કેન્દ્રીય શૈક્ષણિક સંસ્થાન વટહુકમ સામેલ છે… ત્યારે સરકાર આ તમામ બિલ મુદ્દે વિપક્ષોનું સમર્થન મેળવી તેને પસાર કરાવી શકશે કે કેમ તે જોવું રહ્યું.
READ ALSO
- ઇડર સિવિલ હોસ્પિટલમાં દારૂ પીને આવેલા દર્દીએ ડોક્ટરને માર મારી કર્યો હોબાળો
- કર્ણાટકનો કિલ્લો જીતવા ભાજપ તત્પર, યેદિયુરપ્પા ગુરૂવારે CM પદનાં શપથ ગ્રહણ કરે તેવી શક્યતા
- ભાજપને બગાસું ખાતા પતાસું હાથ લાગ્યું, અંગત રજૂઆત માટે આવેલા કિંજલ દવેને પાર્ટીમાં જોડી દેવામાં આવ્યા
- RTI સંશોધન બીલ મામલે સોનિયા ગાંધી લાલચોળ: બોલ્યા- સરકાર જોહુકમી કરીને નાગરિકોને નબળા પાડી રહી છે
- બંટી અને બબલીની સિક્વલમાં દેખાશે આ સ્ટાર, સ્કિપ્ટમાં થશે મોટો બદલાવ