રાજકોટમાં આજી GIDCમાં કેમિકલની ફેક્ટરીમાં લાગેલી ભીષણ આગ ભારે જહેમત બાદ ઓલવાઈ છે. 10 જેટલા ફાયર ફાઈટરના 40 જવાનોએ આગને ઓલવવા ભારે જહેમત ઉઠાવી હતી. દરમિયાન ફાયર વિભાગના ચીફ ઓફિસર દાઝ્યા હતા. તો અન્ય 3થી 4 જવાનો સહિત 7 લોકો દાઝ્યા હતા અને કેટલાકના શ્વાસ રૂંધાયા હતા. મેહુલ ઝિંઝુવાડિયા, ઈન્દ્રેશ રાઉ, હરેશ શિયાળા અને સંજય જાદવ નામના ફાયર જવાન દાઝી જતાં તેમને સિવિલ હોસ્પિટલ ખસેડાયા. બાદમાં વધુ સારવાર માટે ખાનગી હોસ્પિટલમાં ખસેડાયા હતા.
ભીષણ આગના કારણે ફાયર વિભાગે બ્રેગેડ કોલ જાહેર કરીને આસપાસનો વિસ્તાર ખાલી કરાવાયો હતો. પોલીસ તંત્રએ આસપાસના સમગ્ર વિસ્તારના એકમોમાંથી કમદારો તથા અન્ય લોકોને દૂર હટાવી દીધા હતા. આગ વિકરાળ બનતાં આસપાસના ફાયરબ્રિગેડને પણ સ્ટેન્ડ ટુ કર્યા હતા. બપોરે ત્રણ વાગ્યે લાગેલી આગ ઓલવલા 40થી વધુ ફાયર ફાયટરના જવાનો કવાયત હાથ ધરી હતી. જેસીબીથી ફેક્ટરીની દીવાલ તોડવામાં આવી.
ફેક્ટરીના સમગ્ર પરિસરમાં આગ ફેલાઈ હતી. બાજુમાં પડેલા કેમિકલ ભરેલા ટેન્કરમાં પણ બ્લાસ્ટ થયો હતો. ફાયર બ્રિગેડે આગ ઓલવવા પાણી સાથે ફોમ પણ ઉપયોગ કર્યો હતો. અતિ જ્વલનશિલ નેપ્થાના જથ્થામાં આગ લાગી હતી. જે ઓલવવા ભારે જહેમત ઉઠાવવી પડી હતી. નેપ્થાનો ધુમાડો અતિખતરનાક હોય છે. આ ધુમાડો શ્વાસમાં જાય તો આરોગ્ય પર માઠી અસર પડી શકે છે.
READ ALSO
- શેમ્પૂમાં મિક્સ કરો તમારા રસોડાની આ 1 વસ્તુ, દૂર થશે વાળની 5 સમસ્યાઓ
- ધીમેધીમે ટાલ વધી રહી છે તો અપનાવો આ ટિપ્સ, વધવા લાગશે વાળનો ગ્રોથ
- જૂની Jewelry વેચીને નવી ખરીદતાં હોવ તો તમે પોતાનું જ કરી રહ્યાં છો નુકસાન, જાણો કેવી રીતે
- 45ની ઉંમરમાં પણ 25 વર્ષ જેવો યંગ દેખાશે તમારો ચહેરો, રોજિંદા જીવનમાં અપનાવો આ ટીપ્સને
- શંકર સિહ વાઘેલાને પ્રદેશ પ્રમુખમાંથી હટાવ્યા બાદ NCPનું નવિની કરણ શરૂ, તમામ હોદેદારો હટાવાયા