GSTV
Home » News » વોલમાર્ટ અને ફ્લિપકાર્ટ વચ્ચેની ડીલના વિરોધમાં સીએઆઇટીએ આજે ભારત બંધનું એલાન આપ્યું

વોલમાર્ટ અને ફ્લિપકાર્ટ વચ્ચેની ડીલના વિરોધમાં સીએઆઇટીએ આજે ભારત બંધનું એલાન આપ્યું

વોલમાર્ટ અને ફ્લિપકાર્ટ વચ્ચેની ડીલના વિરોધમાં રાજ્યના નાના વેપારીઓ પણ બંધમાં જોડાવાના છે. વોલમાર્ટ-ફ્લિપકાર્ટ કરાર વિરુદ્ધ ટ્રેડર્સ એસોસિએેશન કોન્ફેડરેશન ઓફ ઓલ ઇન્ડિયા ટ્રેડર્સ એટલે કે સીએઆઇટી (CAIT) દ્વારા આજે વેપાર-ધંધા બંધ રાખીને ભારત બંધનું એલાન આપવામાં આવ્યું છે. મેડિકલ સ્ટોર્સ ધારકોએ પણ આ બંધને ટેકો આપ્યો છે. સંગઠનના મહામંત્રી પ્રવીણ ખંડેલવાલે જણાવ્યું હતું કે દેશના ત્રણ કરોડ અને ગુજરાતના 40 લાખ વેપારીઓને વોલ માર્ટ અને ફ્લિપકાર્ટથી નુકસાન થશે.

નાના ટ્રેડર્સ ધંધો માંડ સેટ કરી રહ્યા છે ત્યારે જ વોલ્માર્ટ અને ફ્લિપકાર્ટ ડીલ ઉપરાંત રિટેલમાં એફડીઆઇને લીધે નાના વેપારીઓનો મોટું નુકસાન થઇ શકે તેમ છે. જો કે, અમદાવાદમાં ઘણા વેપારીઓએ બંધમાં જોડાવાની ચોખ્ખી ના પાડી દીધી છે. આમ, અમદાવાદમાં બંધને મિશ્ર પ્રતિસાદ મળવાની સંભાવના છે. જ્યારે રાજકોટ, સુરત, વડોદરા, વલસાડ સહિતના શહેરોમાં વેપારીઓ બંધ પાળીને વિરોધ પ્રદર્શિત કરે તેવી વકી છે. ઉલ્લેખનીય છે કે ગુજરાતના વેપારીઓ લાંબા સમયથી ભાજપની મજબૂત વોટ બેંક રહ્યા છે, પરંતુ આ વખતે કેન્દ્ર અને રાજ્યમાં બંને જગ્યાએ ભાજપ સરકાર છે ત્યારે વેપારીઓ શું કરશે તે જોવું રસપ્રદ રહેશે.

 

Related posts

બનાસકાંઠામાં વાવના ચાદરવા ગામની કેનાલ થઈ ઓવરફ્લો, ખેતરમાં પાણી ફરી વળતા જીરાના પાકને નુકસાન

Mansi Patel

કોરોના વાયરસનો કેર! ભારતીયોને સુક્ષિત સ્થળે ખસેડવા ચીનને અપીલ કરશે ભારતીય વિદેશ મંત્રાલય

Bansari

સુરતમાં ડાઈંગ મિલમાં અને આણંદમાં પ્લાયવુડ ફેક્ટરીમાં લાગી આગ, ફાયર વિભાગની કામગીરી બાદ આગ કાબૂમાં

Mansi Patel
Do NOT follow this link or you will be banned from the site!