GSTV

કાતિલ ઠંડી: રાજ્યમાં શીત લહેર, નલિયામાં પારો ગગડ્યો 5.1 ડિગ્રી સાથે ઠંડુંગાર

ઉત્તરથી ઉત્તરપૂર્વ દિશાના પવનને પગલે ગુજરાતમાં ફરી કાતિલ ઠંડીનું મોજું ફરી વળ્યું છે. નલિયા ૫.૧ ડિગ્રીમાં ઠુંઠવાયું હતું જ્યારે અમદાવાદમાં ૧૧.૬ ડિગ્રી સરેરાશ લઘુતમ તાપમાનનો પારો નોંધાયો હતો.

રાજ્યમાં શીત લહેર

હવામાન વિભાગના મતે ઉત્તર ગુજરાત-સૌરાષ્ટ્ર અને કચ્છમાં આગામી ચાર દિવસ દરમિયાન ૨-૩ ડિગ્રી સુધી તાપમાન ઘટતાં ઠંડીના ચમકારામાં વધારો થશે. આગામી ૩ દિવસ કચ્છમાં કાતિલ ઠંડીનું મોજું ફરી વળશે. જોકે, દક્ષિણ ગુજરાતમાં આગામી ૩-૪ દિવસ દરમિયાન ઠંડીમાં વધારો થવાની સંભાવના નહિવત્ છે. ‘ અમદાવાદમાં ૧૧.૬ ડિગ્રી સાથે સરેરાશ લઘુતમ તાપમાનમાં સામાન્ય કરતાં ૦.૬ ડિગ્રીનો ઘટાડો જ્યારે ૨૮.૪ ડિગ્રી સાથે સરેરાશ મહત્તમ તાપમાનમાં સામાન્ય કરતાં ૦.૧ ડિગ્રીનો વધારો થયો હતો.

  • રાજ્યમાં ફરી ઠંડીનો ચમકારો
  • આંશિક રાહત બાદ ઠંડીનું જોર  વધ્યું
  • કચ્છમાં કોલ્ડવેવની અસર વર્તાઈ
  • અમદાવાદ ગાંધીનગર વડોદરા સહીત ઠંડીનો ચમકારો
  • તેજ પવનો સાથે ઠંડીનું પ્રમાણ વધ્યું
  • સાયક્લોનિક સરક્યુલેશનની અસરને પગલે ઠંડી વધી

કચ્છમાં કોલ્ડવેવની અસર વર્તાઈ

હવામાન વિભાગના મતે અમદાવાદમાં આગામી ૨૭ જાન્યુઆરી સુધી અમદાવાદમાં ઠંડીનું જોર રહેશે. અમદાવાદમાં ગત વર્ષે ૧૫ જાન્યુઆરીના ૯ ડિગ્રી સાથે જાન્યુઆરી માસનું સૌથી નીચું તાપમાન નોંધાયું હતું. રાજ્યમાંથી અન્યત્ર જ્યાં ઠંડીનું જોર વધુ રહ્યું ત્યાં ૯ ડિગ્રી સાથે ગાંધીનગર, ૧૦.૫ ડિગ્રી સાથે વલસાડ, ૧૧ ડિગ્રી સાથે અમરેલી, ૧૨ ડિગ્રી સાથે રાજકોટનો સમાવેશ થાય છે.

READ ALSO

Related posts

‘સરકારનું અનાજ ખાધું છે માટે ઋણ તો ચૂકવવું પડે’ કહી મતદારને તગેડી મૂક્યો, સંખેડાના ધારાસભ્યનો બફાટ

Pravin Makwana

લીંબ ગામે જાનૈયા પર અસામાજીક તત્વોએ પથ્થરમારો કરતા અફરાતફરી, ખડકી દેવાયો પોલીસનો કાફલો

Pravin Makwana

સરકારી નોકરી/ રેલવેમાં 2500 પદ પર નીકળી ભરતી, મળશે બમ્પર સેલરી, અહીંયા જાણો અરજી કરવાની સંપૂર્ણ પ્રોસેસ

Ankita Trada
Do NOT follow this link or you will be banned from the site!