GSTV

PM મોદી સામે વારાણસીમાં લોકસભાની ચૂંટણી લડવાનું આ જવાનનું સપનું રહ્યુ અધુરુ

PM નરેન્દ્ર મોદી વિરૂદ્ધ ચૂંટણી લડનાર સપાના ઉમેદવાર અને બીએસએફના પૂર્વ જવાન તેજ બહાદુરની ઉમેદવારી રદ્દ કરવામાં આવી છે.  જેથી પીએમ મોદી વિરૂદ્ધ સપાના ઉમેદવાર શાલિની યાદવ ચૂંટણી લડશે. ચૂંટણી પંચ દ્વારા ફટકારવામાં આવેલી નોટિસ બાદ ચૂંટણી અધિકારીએ તેજ બહાદુરનુ ઉમેદવારી પત્રક રદ્દ કરી દીધુ હતુ. મંગળવારે ઉમેદવારી પત્રકની તપાસ દરમ્યાન ચૂંટણી પંચને તેજ બહાદુર અંગે અલગ-અલગ માહિતી મળી હતી. જે બાદ આ મામલે તેજ  બહાદુરને નોટિસ ફટકારવામાં આવી હતી.  ઉમેદવારી રદ્દ થતા તેજ બહાદુરે જણાવ્યુ હતુ કે, ભાજપના ઈશારે ચૂંટણી પંચ કામ કરી રહ્યુ છે. ભાજપના રાષ્ટ્રીય અધ્યક્ષ અને સીએમ યોગી આદિત્યનાથના કારણે મારી ઉમેદવારીને રદ્દ કરવામાં આવી છે.

વારાણસી લોકસભા બેઠક પરથી સમાજવાદી પાર્ટીના ઉમેદવાર તેજ બહાદુર યાદવને ચૂંટણી પંચે નોટિસ મોકલી છે. બીએસએફમાંથી બરતરફ કરાયેલા જવાન તેજ બહાદુર યાદવે અગાઉ અપક્ષ અને પછી સપાના ચૂંટણી ચિહ્ન પર નોમિનેશન દાખલ કર્યુ હતું. 

પ્રથમ વખતના નોમિનેશનમાં તેમણે જણાવ્યું હતું કે ભ્રષ્ટાચારને કારણે તેમને સેનામાંથી બરતરફ કરવામાં આવ્યા હતાં પણ બીજા નોમિનેશનમાં તેમણે આ અંગેની માહિતી આપી ન હતી. મંગળવારે ફોર્મની ચકાસણી પછી જિલ્લા ચૂંટણી કાર્યાલયે તેજ બહાદુરને નોટિસ જારી કરી ૧ મે સુધીમાં જવાબ આપવા જણાવ્યું છે. ચૂંટણી પંચે જણાવ્યું છે કે જો તેજ બહાદુર યાદવ પ્રમાણ નહીં આપે તો તેમનું ફોર્મ રદ કરવામાં આવી શકે છે. 

ચૂંટણી પંચે ફટકારેલી નોટિસ મુજબ તેજ બહાદુરે ૨૪ એપ્રિલે અપક્ષ ઉમેદવાર તરીકે ફોર્મ ભર્યુ હતું. તે સમયે તેમણે સોગંદનામામાં જણાવ્યું હતું કે તેમને ભ્રષ્ટાચારને કારણે નોકરીમાંથછી દૂર કરવામા આવ્યા હતાં. જો કે ૨૯ એપ્રિલે જ્યારે તેણે સપામાંથી ફોર્મ ભર્યુ તો તેમણે આ અંગેની કોલમમાં ના લખ્યું હતું. જેનો અર્થ થાય છે કે તેમને ભ્રષ્ટાચારને કારણે નોકરીમાંથી હટાવવામાં આવ્યા ન હતાં.

READ ALSO

Related posts

જાસૂસના હથિયાર તરીકે વપરાતી ઈન્સ્ટાગ્રામ અને ટ્વીટર એપમાં રહેલી આ ખામીઓ હવે થશે દૂર

Dilip Patel

બિહાર/ NDAમાં નક્કી થઈ ગયું કઈ પાર્ટીને કેટલી મળશે સીટ, 104 પર JDU અને 100 પર લડશે BJP

Pravin Makwana

ભાજપના નવનિયુક્ત રાષ્ટ્રીય સચિવે વિવાદિત નિવેદન આપતા પશ્ચિમ બંગાળનું રાજકારણ ગરમાયું

Nilesh Jethva
Do NOT follow this link or you will be banned from the site!