GSTV
Gujarat Government Advertisement

વિન્ડિઝ પ્રવાસ માટે 19મીએ ટીમની પસંદગી: ધોનીની નિવૃત્તિની અટકળો

Last Updated on July 17, 2019 by Mayur

વર્લ્ડ કપની સેમિ ફાઈનલની હાર બાદ ભારતીય ટીમ હવે આવતા મહિને યોજાનારા વિન્ડિઝ પ્રવાસ તરફ મીટ માંડી રહી છે. ભારતીય ટીમ વિન્ડિઝ પ્રવાસનો પ્રારંભ તારીખ ૩ ઓગસ્ટે રમાનારી ટી-૨૦ની સિરીઝથી કરશે, જેમાં બે મેચ અમેરિકામાં અને ત્રીજી મેચ વિન્ડિઝમાં રમાશે. આ પછી બંને ટીમો વચ્ચે ત્રણ વન ડે અને બે ટેસ્ટની સિરીઝ રમાશે. ભારતીય પસંદગીકારો તારીખ ૧૯મી જુલાઈ ને શુક્રવારે વિન્ડિઝ પ્રવાસ માટેની ટીમની પસંદગી કરશે. ટીમ ઈન્ડિયાની પસંદગી થવાની છે, ત્યારે ૩૮ વર્ષીય વિકેટકિપર બેટસમેન ધોનીના રમવા અંગે પ્રશ્નાર્થ સર્જાયો છે. 

જો પસંદગીકારો ધોનીને આગામી સિરીઝ માટેની ટીમમાં સામેલ નહી કરે તો તે નિવૃત્તિ જાહેર કરશે તેવી અટકળો ફરી શરૂ થઈ ચૂકી છે. અગાઉ એવી અટકળ ચાલી હતી કે, વર્લ્ડ કપમા ભારતની આખરી મેચ ધોનીની કારકિર્દીની અંતિમ આંતરરાષ્ટ્રીય મેચ બની રહેશે. જોકે ભારત સેમિ ફાઈનલમાં હાર્યું તે પછી ધોનીએ કોઈ જાહેરાત કરી નથી. 


દરમિયાનમાં અગાઉ એેમ મનાતુ હતુ કે, વર્લ્ડ કપ બાદના વેસ્ટ ઈન્ડિઝ પ્રવાસમાં ભારત કોહલી તેમજ બુમરાહ જેવા ટોચના ક્રિકેટરોને આરામ અપાશે. જોકે રોહિતને કેપ્ટન બનાવવા અંગેની અટકળો શરૂ થતાં જ હવે એક મીડિયા રિપોર્ટમાં દાવો કરવામાં આવ્યો છે કે, કોહલી વિન્ડિઝ સામેની તમામ સિરીઝમાં રમશે. 

ભારતીય ઓપનર ધવનની ઈજા અંગે કોઈ અપડેટ મળી શક્યા નથી. જોકે, ટીમ ઈન્ડિયા શ્રેયસ ઐયર અને શુભમન ગીલને વિન્ડિઝ પ્રવાસ માટેની ભારતીય ટીમમાં તક મળી શકે છે. આ સિવાય હાર્દિક પંડયા, લોકેશ રાહુલ, પંત જેવા ખેલાડીઓનું સ્થાન નક્કી મનાય છે. શંકર અને ખલીલને પણ ટીમમાં સામેલ કરવામાં આવી શકે છે. જોકે દિનેશ કાર્તિકને પડતો મૂકવામાં આવશે તે નક્કી લાગી રહ્યું છે. 

ભારતનો વિન્ડિઝ પ્રવાસ

તારીખમેચસ્થળસમય
૩/૮પ્રથમ ટી-૨૦લાઉડરહિલરાત્રે ૮થી
૪/૮બીજી ટી-૨૦લાઉડરહિલરાત્રે ૮થી
૬/૮ત્રીજી ટી-૨૦ગયાનારાત્રે ૮થી
૮/૮પ્રથમ વન ડેગયાનાસાંજે ૭થી
૧૧/૮બીજી વનડેટ્રીનીદાદસાંજે ૭થી
૧૪/૮ત્રીજી વન ડેટ્રીનીદાદસાંજે ૭થી
૨૨-૨૬/૮પ્રથમ ટેસ્ટએન્ટીગાસાંજે ૭થી
૩૦/૮-૩/૯બીજી ટેસ્ટજમૈકારાત્રે ૮થી

READ ALSO

Gujarat Government Advertisement

Related posts

આજથી દેશભરમાં હોલમાર્કિંગ ફરજીયાત, વેપારીઓ અને ગ્રાહકોને થશે ફાયદો: જવેલર્સ

Pritesh Mehta

LIC અને IDBI એ લોન્ચ કર્યું ‘શગુન’ ગિફ્ટ કાર્ડ, પિન વગર જ કરી શકશો આટલાં રૂપિયા સુધીની લેણદેણ ને સાથે આ અન્ય ફાયદા

Dhruv Brahmbhatt

પેટ્રોલના સતત ભાવ વધારા બાદ હવે મળી શકે છે રાહત, સરકારે ઓઇલ કંપનીઓ સાથે ગોઠવી બેઠક

Pritesh Mehta
Do NOT follow this link or you will be banned from the site!