GSTV
Gujarat Government Advertisement

એમએસ ધોની બાદ આ દિગ્ગજ ક્રિકેટરે કરી નિવૃત્તિની જાહેરાત, ક્રિકેટપ્રેમીઓને લાગ્યો આંચકો

Last Updated on August 16, 2020 by pratik shah

પૂર્વ કેપ્ટન મહેન્દ્રસિંહ ધોની બાદ ઓલરાઉન્ડર સુરેશ રૈનાએ પણ ક્રિકેટને અલવિદા કહી દીધું છે. રૈના, જે ધોનીનો જોડીદાર હતો, રૈનાએ ધોની સાથે જ નિવૃત્તિ લેવાનો નિર્ણય કર્યો છે. રૈનાએ ઈન્સ્ટાગ્રામ પર ધોની અને ચેન્નાઈ સુપર કિંગ્સના ખેલાડીઓ સાથે ફોટો પોસ્ટ કર્યો હતો અને કેપ્શનમાં લખ્યું હતું કે ધોની તમારી સાથે રમીને ઘણું સારું લાગ્યુ. હું સંપૂર્ણ ગર્વ સાથે આ યાત્રામાં તમારી સાથે જોડાવા માંગુ છું. આ સાથે રૈનાએ ભારતનો આભાર માન્યો.

તે જાણીતું છે કે એમએસ ધોની અને સુરેશ રૈનાની જોડી પણ ઓન-ફિલ્ડ અને ઓફ-ફિલ્ડમાં ઘણી લોકપ્રિય રહી છે. આઈપીએલની શરૂઆતથી જ બંને ખેલાડીઓ ચેન્નઈ સાથે સંકળાયેલા છે અને બંને વચ્ચેની મિત્રતાની પણ ખૂબ ચર્ચા થાય છે. આવી સ્થિતિમાં બંને ભાગીદારોએ સાથે મળીને આંતરરાષ્ટ્રીય ક્રિકેટને અલવિદા કહી દીધું છે.

સુરેશ રૈનાએ ટેસ્ટ ક્રિકેટમાં 768 રન બનાવ્યા હતા. જેમાં એક સદી અને 7 અડધી સદીનો સમાવેશ થાય છે. રૈનાએ વનડેમાં ઈન્ટરનેશનલમાં 5615 રન બનાવ્યા છે. જેમાં 5 સદી અને 36 અડધી સદીનો સમાવેશ છે. વનડેમાં રૈનાનો શ્રેષ્ઠ સ્કોર અણનમ 116 રન હતો. રૈનાએ 78 T-20 માં એક સદી અને પાંચ અડધી સદી સહિત કુલ 1605 રન બનાવ્યા છે.

સૌથી મોટા સમાચાર, મહેન્દ્રસિંહ ધોનીએ આંતરરાષ્ટ્રીય ક્રિકેટમાંથી લઈ લીધી નિવૃત્તિ

ભારતના સફળ કેપ્ટન અને કેપ્ટન કુલના નામથી જાણીતા બેટ્સમેન એમ એસ ધોનીએ નિવૃતિની જાહેરાત કરી છે. અચાનક નિવૃતિની જાહેરાત કરતા તેમના ચાહકોમાં નિરાશા છવાઈ છે. ભારતના સૌથી સફળ કેપ્ટનમાંના એક એમએસ ધોનીએ ભારતને ટી20 અને વન ડેમાં વિશ્વ વિજેતા બનાવી હતી. ધોનીએ ઘણા સમયથી ક્રિકેટ રમી નથી. બીસીસીઆઈએ નવા વિકલ્પો શોધવાના શરૂ કરતાં ધોનીને અંદાજ આવી ગયો હતો. આજે એમણે જાતે જ નિવૃત્તિની ઘોષણા કરી છે. જોકે, તેઓ આઈપીએલ રમવાનું ચાલુ રાખશે.

READ ALSO

Gujarat Government Advertisement

Related posts

OMG! WTCમાં ભૂંડી હાર છતાં ટીમ ઇન્ડિયા થઇ માલામાલ, ICCએ આપી આટલી તગડી રકમ

Bansari

મોટી ભેટ/ રિલાયન્સે લૉન્ચ કર્યો સસ્તો 5G સ્માર્ટફોન Jio Phone Next, આ તારીખથી માર્કેટમાં થશે ઉપલબ્ધ

Bansari

વતનનું ઋણ ચૂકવ્યું : જામનગરમાં ધીરૂભાઈ અંબાણી ગ્રીન એનર્જી કોમ્પલેક્સ બનશે, જિયોએ સ્માર્ટફોન લોન્ચ કર્યો

pratik shah
Do NOT follow this link or you will be banned from the site!