GSTV

સુપ્રીમનો ચૂકાદો દેશની એકતા, અખંડતાને મજબૂત બનાવશે : શાહ

Last Updated on November 10, 2019 by Mayur

કેન્દ્રીય ગૃહમંત્રી અમિત શાહે શનિવારે રામજન્મ ભૂમિ-બાબરી મસ્જિદ કેસમાં સુપ્રીમ કોર્ટના ચૂકાદાને આવકાર્યો હતો અને કહ્યું હતું કે આ ચૂકાદો સિમાચિહ્નરૂપ સાબિત થશે અને ભારતની એકતા તેમજ અખંડતાને વધુ મજબૂત બનાવશે. બીજીબાજુ ભાજપના વરિષ્ઠ નેતા લાલકૃષ્ણ અડવાણીએ સુપ્રીમ કોર્ટનો ચૂકાદો ઐતિહાસિક છે. તેનાથી ભવ્ય રામ મંદિરનું નિર્માણનો માર્ગ મોકળો થશે.

મોહન ભાગવત

સુપ્રીમ કોર્ટના ચુકાદાની પ્રશંસા કરતા આરએસએસ પ્રમુખ મોહન ભાગવતે જણાવ્યું હતું કે સત્ય અને ન્યાયનો વિજય થયો છે અને આ ચુકાદાને કોઇના પણ વિજય કે હારના સ્વરૂપે ન જોવું જોઇએ.તેમણે જણાવ્યું હતું કે આ ચુકાદો દેશની લાગણીને અનુરૂપ છે અને રાષ્ટ્રીય સ્વયં સેવક સંઘ આ ચુકાદાનું સ્વાગત કરે છે. આ કેસ દાયકાઓથી ચાલતો હતો અને અંતે આ કેસનો સુખદ અંત આવ્યો છે.

અડવાણી

ભાજપના વરિષ્ઠ નેતા અને રામજન્મભૂમિ આંદોલનની આગેવાની કરનારા લાલકૃષ્ણ અડવાણીએ સુપ્રીમ કોર્ટનો ચુકાદો આવકાર્યો અને કહ્યું કે સુપ્રીમ કોર્ટના પાંચ જજોની બેન્ચ દ્વારા અયોધ્યા કેસમાં અપાયેલા ચૂકાદાનું સ્વાગત કરવામાં તે દેશવાસીઓની સાથે છે. સુપ્રીમ કોર્ટે અયોધ્યામાં ભવ્ય રામ મંદિર નિર્માણનો માર્ગ ખુલ્લો કર્યો છે. સર્વસંમતિથી ચૂકાદો આપ્યો છે. મારા માટે આ પૂર્ણતાની ક્ષણ છે. રામ મંદિર આંદોલન સાથે જોડાવું મારા માટે સૌભાગ્યપૂર્ણ છે.

READ ALSO

Related posts

ભવિષ્યવાણી / દેશમાં ચાલુ મહિને ત્રાટકી શકે છે કોરોનાની ત્રીજી લહેર, નિષ્ણાતોએ આ અંગે આપી મોટી ચેતવણી

Zainul Ansari

જમ્મુમાં સતત મળી આવતા ડ્રોન વચ્ચે સ્ટેશનની નજીક દેખાયા બે શંકાસ્પદ લોકો, પહેર્યો હતો સેનાનો યુનિફોર્મ

Vishvesh Dave

મહારાષ્ટ્ર / શિવસેનાના કાર્યકરોએ મુંબઈ એરપોર્ટ પર કરી તોડફોડ, ‘અદાણી એરપોર્ટ’ના બોર્ડને પહોંચાડ્યું નુકસાન

Zainul Ansari
Do NOT follow this link or you will be banned from the site!