GSTV

5 એકર જમીન ક્યાં આપવી આ નિર્ણયનો ફેંસલો આ લોકો કરશે, આજની તારીખ ઈતિહાસમાં બની અમર

Last Updated on November 9, 2019 by

70 વર્ષ સુધી ચાલેલી કાયદાકીય લડાઈ અને 40 દિવસની મેરેથોન સુનાવણી બાદ અયોધ્યા જમીન વિવાદ પર સુપ્રીમ કોર્ટનો બહુપ્રતિક્ષિત ફેસલો આખરે આવી ગયો. સુપ્રીમે આદેશ આપ્યો કે અયોધ્યામાં 2.77 એકર વિવાદિત જમીન પર રામલલાના મંદિરનું નિર્માણ થાય. જ્યારે કે મસ્જિદ નિર્માણ માટે અલગથી પાંચ એકર જમીન આપવામાં આવે. સુપ્રીમના પાંચ જજોની બેન્ચે સર્વસહમતી એટલે કે 5-0થી ઐતિહાસિક જજમેન્ટ આપ્યું.

સુપ્રીમ કોર્ટે અયોધ્યામાં વિવાદિત જમીન પર રામ મંદિર બનાવવાનો ચુકાદો આપ્યો. બંધારણીય ખંડપીઠ દ્વારા 45 મિનિટ સુધી વાચવામાં આવેલા 1045 પાનાના નિર્ણયથી દેશના ઇતિહાસમાં સૌથી મહત્વ અને એક સદી કરતા જૂના વિવાદનો અંત આવ્યો. મુખ્ય ન્યાયાધીશ રંજન ગોગોઈ, જસ્ટીસ એસ.એ.બોબોડે, જસ્ટીસ ડી વાય ચંદ્રચુડ, જસ્ટીસ અશોક ભૂષણ, જસ્ટીસ એસ અબ્દુલ નઝીરની ખંડપીઠે આ ઐતિહાસીક ચુકાદો આપ્યો.

સીજેઆઇ રંજન ગોગોઇ ચુકાદો સંભળાવતા જણાવ્યું કે વિવાદિત 2.77 એકર જમીન રામલલા વિરાજમાનને આપવામાં આવે. વિવાદિત જમીનના આંતરિક અને બહારી ભાગમાં રામલલા વિરાજમાનનો હક છે. કેન્દ્ર સરકાર મંદિર નિર્માણ માટે 3 મહિનામાં ટ્રસ્ટની રચના કરે. જેમાં નિર્મોહી અખાડાને પણ સ્થાન આપવામાં આવે. ટ્રસ્ટમાં સભ્યોની પસંદગીનો અધિકાર કેન્દ્ર સરકારને આપવામાં આવ્યો છે. ટ્રસ્ટની રચના થયા બાદ વિવાદિત જમીન અને અધિગ્રહણ જમીન ટ્રસ્ટને સોપવામાં આવે. ટ્રસ્ટ દ્વારા રામ મંદિર નિર્માણની રૂપરેખા તૈયાર કરાશે.. કોર્ટે કહ્યું કે મુસ્લિમ પક્ષને મસ્જિદ બનાવવા માટે અયોધ્યામાં જ અન્ય કોઇ સ્થળે પાંચ એકર જમીન આપવામાં આવે. જમીન ક્યા આપવી તેનો નિર્ણય કેન્દ્ર સરકાર અથવા ઉત્તર પ્રદેશ સરકાર કરે.

સુપ્રીમ કોર્ટે કહ્યું કે, અલ્હાબાદ હાઈકોર્ટ દ્વારા વિવાદિત જમીનને ત્રણ હિસ્સામાં વહેંચવાનો નિર્ણય તાર્કિક નહોતો. જેથી સ્પષ્ટ થઇ ગયું હતુ કે આ મામલામાં રામલલા વિરાજમાન અને સુન્ની વક્ફ બોર્ડ એમ બે જ પક્ષ રહ્યા. સીજેઆઇ રંજન ગોગોઇએ કહ્યું કે તોડી પાડવામાં આવેલી મસ્જિદનું માળખું ભગવાન રામનું જન્મસ્થળ છે અને હિન્દુઓની આ આસ્થા નિર્વિવાદિત છે.

અયોધ્યામાં ‘રામ મંદિર’

  • વિવાદિત ૨.૭૭ એકર જમીન રામલલા વિરાજમાનને સાંપવામાં આવે
  • જમીનના આંતરિક અને બહારી ભાગમાં રામલલા વિરાજમાનનો હક
  • કેન્દ્ર સરકાર મંદિર નિર્માણ માટે ત્રણ મહિનામાં ટ્રસ્ટની રચના કરે
  • નિમાર્ેહી અખાડાને ટ્રસ્ટમાં આપવામાં આવે સ્થાન
  • ટ્રસ્ટમાં સભ્યોની પસંદગીનો અધિકાર કેન્દ્રને સાંપવામાં આવ્યો
  • ટ્રસ્ટની રચના બાદ વિવાદિત જમીન અને અધિગ્રહણ જમીન ટ્રસ્ટને સાંપાય
  • ટ્રસ્ટ દ્વારા રામ મંદિર નિર્માણની રૂપરેખા કરાશે તૈયાર
  • મિસ્જદ બનાવવા માટે મુસ્લમ પક્ષને આપવામાં આવે પાંચ એકર વૈકલ્પિક જમીન
  • જમીન Gયાં આપવી તેનો નિર્ણય કેન્દ્ર અને યુપી સરકાર કરે

READ ALSO

Related posts

એક બે નહીં પરંતુ 100 કરોડનું બિલનું કૌંભાડ ઝડપાયું, DGGIની ટીમે રાજકોટ અને ધોરાજીમાં દરોડા દરમ્યાન એકની કરી ધરપકડ

pratik shah

ચોંકાવનારો ખુલાસો / કોરોના દરમિયાન સામાન્ય નાગરિકોને મન ફાવે તેમ લૂંટવામાં આવ્યા, માનવતા થઈ શર્મસાર

Zainul Ansari

Desi Jugaad : ખેડૂતે ખેતરમાં લગાવ્યું આટલું જબરદસ્ત ઉપકરણ, જોયા પછી તમે પણ બોલી ઉઠશો ‘ક્યા બાત હૈ’

Vishvesh Dave
Do NOT follow this link or you will be banned from the site!