GSTV
India News Trending

આજે આર્ટિકલ 370 મુદ્દે સુપ્રીમ કોર્ટ આપશે ચૂકાદો, સમગ્ર દેશવાસીઓની નજર

જમ્મુ કાશ્મીરમાંથી આર્ટિકલ 370 હટાવ્યા બાદ લગાવાયેલા પ્રતિબંધ સામે થયેલી અરજી પર આજે સુપ્રીમ કોર્ટ ચુકાદો આપશે. જેના પર સૌની નજર છે. આર્ટિકલ 370 હટાવ્યા બાદ સરકારે સમગ્ર રાજ્યમાં વિવિધ પ્રતિબંધો લગાવ્યા હતા. જે મામલે કોંગ્રેસ નેતા ગુલામ નબી આઝાદ અને અન્ય લોકોએ સુપ્રીમ કોર્ટમાં અરજી દાખલ કરી હતી.જેના પર આજે સુપ્રીમ કોર્ટની ત્રણ જજોની બેઠક ચુકાદો આપશે. પ્રતિબંધ સામે થયેલી અરજી પર ગત 27 નવેમ્બરે સુનાવણીઓ પૂર્ણ થઈ હીત. આજે જજ એન.વી. રમણ, જજ આર. સુભાષ રેડ્ડી અને જજ બી.આર. ગવઈની ત્રણ જજોની પેનલ ચુકાદો આપશે.

રાજ્યમાં કોઈ પણ વ્યક્તિનો જીવ ગયો નથી

ગત 21 નવેમ્બર હાથ ધરાયેલી સુનાવણી સમયે સરકારે આર્ટિકલ 370 હટાવ્યા બાદ લગાવાયેલા પ્રતિબંધોને કોર્ટમાં યોગ્ય ગણાવ્યા હતા. સરકારે ભરેલા પગલાથી જ રાજ્યમાં કોઈનો જીવ ગયો નથી કે એક પણ ગોળી ચલાવવાની ફરજ પડી નથી. તેવી પણ દલીલ કરવામાં આવી હતી. કોંગ્રેસ નેતા ગુલામ નબી આઝાદ ઉપરાંત કાશ્મીર ટાઈમ્સના કાર્યકારી સંપાદક અનુરાધા ભસીન અને અન્ય લોકોએ સુપ્રીમ કોર્ટમાં અરજી દાખલ કરી હતી.જેમાં સંચાર વ્યવસ્થા ઠપ હોવા સહિતના પ્રતિબંધોને પડકારવામાં આવ્યા હતા. કેન્દ્ર સરકારે ગત પાંચ ઓગસ્ટે જમ્મુ કાશ્મીરમાંથી આર્ટિકલ 370ને હટાવી દીધી હતી.

READ ALSO

Related posts

જાણો, આ સ્થળે પરણીત મહિલાઓ જ બની શકે છે વેપારી, 200 વર્ષથી ધમધમે છે એશિયાનું સૌથી મોટું વુમન માર્કેટ

GSTV Web Desk

ભાગવતના હિન્દુ અંગેના નિવેદનની પ્રસંશા, ભારતમાં કોઈએ પણ હિન્દુ બનવા માટે ધર્મપરિવર્તન કરવાની જરૂર નથી

Hemal Vegda

કોંગ્રેસમાં એક સાંધે ત્યાં તેર તૂટે તેવો ઘાટ, રાજસ્થાનમાં કોંગ્રેસ પાર્ટી વિખેરાવાના એરણે

Hemal Vegda
GSTV