GSTV
Gujarat Government Advertisement

રામ મંદિર મામલે સુપ્રીમમાં વધુ એક તારીખ પડી, આ જજ બેંચમાંથી અલગ થયા

રામ મંદિર

Last Updated on January 10, 2019 by

સુપ્રીમ કોર્ટમાં રામ મંદિર મુદ્દે મહત્વની સુનાવણી હાથ ધરાઇ હતી. જે દરમ્યાન સુપ્રીમ કોર્ટ દ્વારા નવી ખંડપીઠની રચનાની જાહેરાત કરવામાં આવી છે. સાથે જ કેસની વધુ સુનાવણી 29 જાન્યુઆરીએ નિર્ધારીત કરવામાં આવી છે. સુપ્રીમ કોર્ટના ચીફ જસ્ટીસ રંજન ગોગોઇની અધ્યક્ષતામાં 5 જજોની ખંડપીઠ દ્વારા સુનાવણી હાથ ધરાઇ હતી. સુનાવણી દરમ્યાન જસ્ટીય યુ.યુ. લલિતે પોતાને કેસમાંથી અલગ કરવાની જાહેરાત કરી હતી.

આ પહેલા 4 જાન્યુઆરીના રોજ સુપ્રીમ કોર્ટે માત્ર 60 સેકન્ડમાં સુનાવણી આટોપી લીધી હતી. અને વધુ સુનાવણી માટે 10 જાન્યુઆરીની તારીખ નક્કી કરી દીધી હતી. આ પહેલા અયોધ્યા કેસમાં સુપ્રીમ કોર્ટમાં સુનાવણી દરમિયાન હિન્દુ મહાસભાના વકીલે કહ્યું હતુ કે જો નવી ખંડપીઠ કેસની સુનાવણી દરરોજ કરે તો વર્ષો જૂનો આ વિવાદ 60 દિવસમાં ઉકેલાઇ જશે. હિન્દુ મહાસભાના વકીલે કહ્યું હતુ કે તે સુનાવણી દરમિયાન ખંડપીઠ સમજ પોતાની વાત રાખશે. અને દરરોજ સુનાવણી માટે કોર્ટને અપીલ કરશે. તેમણે કહ્યું કે આ કેસમાં બંને પક્ષો તરફથી પોતાના પક્ષ રજૂ થઇ ચુક્યા છે. ડોક્યુમેન્ટ્સનું આદાન, પ્રદાન થઇ ચુક્યું છે. ટ્રાન્સલેશનની પ્રક્રિયા પણ પૂર્ણ થઇ ચુકી છે.

અયોધ્યા કેસની સુનાવણી માટે સુપ્રીમ કોર્ટે પાંચ જજોની જે ખંડપીઠની રચના કરી છે તેની આગેવાની ચીફ જસ્ટીસ રંજન ગોગોઇ કરી રહ્યા છે. આ ખંડપીઠમાં જસ્ટિસ એસએ બોબડે. જસ્ટીસ એનવી રમના. જસ્ટિસ યૂયૂ લલિત. જસ્ટિસ ડીવાઇ ચંદ્રચૂડ સામેલ છે. સુનાવણી કરનારી ખંડપીઠમાં ચીફ જસ્ટિસ ઉપરાંત તે ચાર જજ છે કે જેઓ ભવિષ્યમાં ચીફ જસ્ટિસના પદ માટે દાવેદાર છે. સુપ્રીમ કોર્ટે 8 જાન્યુઆરીએ જ પાંચ જજની ખંડપીઠની રચના કરી હતી.

Gujarat Government Advertisement

Related posts

રામના નામે વેપાર / વિવાદમાં રામ મંદિર ટ્રસ્ટના વધુ બે જમીન સોદા, 20 લાખની ભૂમી 2.5 કરોડ રૂપિયામાં ખરીદી!

Zainul Ansari

ઓટો ડ્રાઇવરોને મફત તેલ આપે છે પેટ્રોલ પંપ માલિક, જાણો શું છે આખો મામલો

Vishvesh Dave

સસ્પેન્સ: જમ્મુ કાશ્મીરમાં શું ફરી વાર કંઈ મોટુ થવા જઈ રહ્યુ છે ! પીએમ મોદી 14 દિગ્ગજ નેતાઓ સાથે કરશે મીટિંગ

Pravin Makwana
Do NOT follow this link or you will be banned from the site!