GSTV
India News ટોપ સ્ટોરી

મોટા સમાચાર / EVMથી જ થશે મતદાન, સુપ્રીમ કોર્ટે બેલેટ પેપરથી ચૂંટણી યોજવાની અરજી ફગાવી

ચૂંટણી

સુપ્રીમ કોર્ટે ઈલેક્ટ્રોનિક વોટિંગ મશીન (EVM)ના બદલે બેલેટ પેપર (Ballot Paper) વડે ચૂંટણી યોજવાની માંગણી કરતી અરજીને ફગાવી દીધી છે. કોર્ટે જણાવ્યું કે, તે અરજીમાં કોઈ મેરિટ નથી જણાઈ રહ્યું. વકીલ મનોહર લાલ શર્માએ ઈવીએમના બદલે બેલેટ પેપર દ્વારા મતદાન કરાવવાની માંગણી કરતી પોતાની અરજી મામલે ઝડપથી સુનાવણી હાથ ધરવામાં આવે તેવી માંગણી કરી હતી.

ચૂંટણી

મનોહર લાલે પોતાની અરજીમાં લખ્યું હતું કે, ચૂંટણી બેલેટ પેપરની મદદથી જ થવી જોઈએ. આ સાથે જ તેમણે પોતે કાયદાને ધ્યાનમાં રાખીને જ વાત કરી રહ્યા હોવાનો ઉલ્લેખ કર્યો હતો. અરજીમાં જન પ્રતિનિધિત્વ અધિનિયમની કલમ 61 (એ)ને પડકાર ફેંકવામાં આવ્યો હતો જેમાં બેલેટ પેપરના બદલે ઈવીએમ દ્વારા મતદાન કરાવવાની જોગવાઈ છે.

વકીલ મનોહર લાલની અરજી પ્રમાણે તે જોગવાઈને હજુ સુધી સંસદની મંજૂરી નથી મળેલી. આ કારણે ઈવીએમ દ્વારા અત્યાર સુધીમાં જેટલી પણ ચૂંટણીઓ યોજાઈ તે તમામ ગેરકાયદેસર જ છે. તેમણે દરેક સ્થળે ફરી બેલેટ પેપર દ્વારા ચૂંટણી યોજવાની પણ માંગણી કરી હતી.

સુપ્રીમ

જાન્યુઆરી મહિનામાં કરી હતી અરજી

મનોહર લાલે જાન્યુઆરી મહિનામાં અરજી કરીને ઉત્તર પ્રદેશ, ગોવા, પંજાબ, મણિપુર તથા ઉત્તરાખંડ એમ 5 રાજ્યોમાં યોજાનારી વિધાનસભા ચૂંટણીમાં ઈવીએમના બદલે બેલેટ પેપરનો ઉપયોગ કરવાની માંગણી કરી હતી. ઉલ્લેખનીય છે કે, તે પાંચેય રાજ્યોમાં 10મી ફેબ્રુઆરીથી 7મી માર્ચ દરમિયાન ચૂંટણી યોજાઈ હતી અને 10 માર્ચના રોજ તેના પરિણામો જાહેર થયા હતા.

Read Also

Related posts

સાજિદ ખાનને ફરી #Metoo નડ્યું, બિગ બોસમાં એન્ટ્રીને લઈને વિવાદ

Hemal Vegda

ઝેલેન્સકીએ માન્યો PM મોદીનો આભાર, કહ્યું- હવે રશિયન રાષ્ટ્રપતિ પુતિન સાથે વાત નહીં કરે

Hemal Vegda

પીએમ મોદી-ઝેલેન્સકીની વાતચીતથી અમેરિકા ખુશ! કહ્યું- પુતિનને આંતરરાષ્ટ્રીય સમુદાયે અલગ થલગ કરી દીધા હતા

Hemal Vegda
GSTV