GSTV
Home » News » રાણપુર તાલુકાનો સુખભાદર ડેમ ઓવરફલો, 3 દરવાજા ખોલાયા

રાણપુર તાલુકાનો સુખભાદર ડેમ ઓવરફલો, 3 દરવાજા ખોલાયા

સૌરાષ્ટ્ર ભરમાં પડેલા સારા વરસાદને પગલે મોટાભાગના ડેમો ઓવરફ્લો થઈ ગયા છે ત્યારે રાણપુર તાલુકાને પાણી પુરું પાડતો સુખભાદર ડેમ ઉપરવાસમાં પડેલા ભારે વરસાદને કારણે ઓવરફલો થયો હતો. સુખભાદર ડેમના ત્રણ દરવાજા એક ફૂટ જેટલા ખોલવામાં આવ્યા હતા જેના કારણે નીચાણવાળા ગામોને એલર્ટ કરવામાં આવ્યા હતા.

ચાલુ વર્ષે સૌરાષ્ટ્રમાં સાર્વત્રિક મેઘમહેર રહી છે. મેઘો મન મૂકીને મહેરબાન થયો હતો જેના કારણે ગ્રામીણ વિસ્તારોમાં તળાવો અને નાના મોટા ડેમો છલોછલ ભરાઈ ગયા છે. ઘણા ખરા ડેમો ઓવરફ્લો થયા હતા. રાણપુરની જનતાને પાણી પુરું પાડતો સુખભાદર ડેમ ઉપરવાસમાં પડેલા ભારે વરસાદને કારણે ઘણાં વર્ષો બાદ ઓવરફલો થયો હતો.

સુખભાદર ડેમ ઓવરફલો થતા જ ડેમના ત્રણ દરવાજા એક ફૂટ જેટલા ખોલી નાંખવામાં આવ્યા હતા. ડેમનું પાણી ભાદર નદીમાં વહેતું થતા ખેડૂતોમાં ખુશીનું મોજું ફરી વળ્યું હતું. કુવા અને બોરના તળ ઉંચા આવી જતા શિયાળુ પાક માટે પાણીની સમસ્યાનું નિવારણ થયું છે. પરંતુ નીચાણવાળા વિસ્તારોના ગામો ઉમરાળા, અલમપુર, રાણપુર, નાગનેશ, દેવળીયા, કનારા સહિતના નદી કાંઠાના ગામોને તંત્ર દ્વારા એલર્ટ કરવામાં આવ્યાં હતા. જ્યારે રાણપુર શહેરમાં પાણીની સમસ્યાનો ઉકેલ આવી જવાની આશા બંધાઈ છે.

READ ALSO

Related posts

આ તારીખે દક્ષિણ ગુજરાતમાં પડી શકે છે ભારે વરસાદ, હવામાન વિભાગે કરી આગાહી

Nilesh Jethva

સામાન્ય માણસના બજેટમાં મળી રહી છે આ 7 સીટર કાર, જાણો તેના ફિચર્સ અને કિંમત

Kaushik Bavishi

નવા ટ્રાફિક નિયમના વિરોધમાં આવી આમ આદમી પાર્ટી, આપ્યું આ અલ્ટીમેટમ

Nilesh Jethva
Do NOT follow this link or you will be banned from the site!