GSTV

જયપુરમાં ખેડૂતોનો વિરોધ, સમાધિમાંથી જ ખેડૂત કરશે પુત્રીના લગ્ન!

Last Updated on October 28, 2017 by

રાજસ્થાનના જયપુરમાં ગત પચ્ચીસ દિવસોથી જમીન સંપાદન સામે ખેડૂતો આંદોલન કરી રહ્યા છે. પરંતુ આ વખતે ખેડૂતોએ આંદોલન કરવાની અલગ પદ્ધતિ અખત્યાર કરી છે. ખેડૂત આંદોલન માટે ધરણાં પર નથી બેઠા, પરંતુ તેઓ જમીન પર અનાજ પકવી રહ્યા છે અને તેની અંદર જ તેમણે સમાધિ લીધી છે.

ખેડૂતો જમીનની અંદર ખૂપેલા છે અને તેમણે પોતાના પ્રદર્શનને જમીન સમાધિ સત્યાગ્રહ નામ આપ્યું છે. લાંબા સમયથી આંદોલન કરી રહેલા ખેડૂતોએ દિવાળી પણ આવી રીતે જ મનાવી હતી અને છઠ્ઠ પણ આવી રીતે જ ઉજવી છે. હવે સૂત્રોનું માનીએ તો ખેડૂત 13 નવેમ્બરે એક ખેડૂતની પુત્રીના લગ્ન પણ અહીં જ થવાના છે. લગ્ન વખતે વિરોધ પ્રદર્શન કરી રહેલા ખેડૂત પિતા ખાડાની અંદરથી જાનૈયાઓનું સ્વાગત કરશે અને તેમના ઉપર ફૂલ વરસાવશે.

મહત્વપૂર્ણ છે કે, જયપુરના નીંદડમાં ખેડૂતો પાસેથી મકાન નિર્માણ યોજનાઓમાં જમીન આપવા માટે દબાણ થઈ રહ્યું છે. આનો ખેડૂતો વિરોધ કરી રહ્યા છે.  ખેડૂતોનો આરોપ છે કે, જયપુર વિકાસ પ્રાધિકરણ હાઉસિંગ પ્રોજેક્ટ બનાવવા માટે તેમની જમીન લેવાઈ રહી છે. જયપુર ડેવલોપમેન્ટ ઓથોરિટી હાઉસિંગ પ્રોજેક્ટ બનાવવા માટે તેમની જમીન લઈ રહી છે. અહીં ખેડૂતોની 1350 વીઘા જમીન પર કોલોની બનાવાઈ રહી હોવાના મામલે વિરોધ થઈ રહ્યો છે. ખેડૂતો આની સામે પચ્ચીસ દિવસથી દેખાવો કરી રહ્યા છે. ખેડૂતો બીજી ઓક્ટોબરે સમાધિ બનાવીને આંદોલન કરી રહ્યા છે.

Related posts

દુર્ઘટના/ મુંબઇના બાંદ્રા-કુર્લામાં નિર્માણાધીન પુલ તૂટી પડ્યો, 13 મજૂરો ઘાયલ, રેસ્ક્યૂ ઓપરેશન ચાલુ

Bansari

પરીક્ષાનો ભય/ ‘નીટ’ના હાઉથી ચાર દિવસમાં ત્રણ વિદ્યાર્થીઓની આત્મહત્યા, રાજ્યમાં પરીક્ષાનો વિરોધ

Damini Patel

કોરોના/ દેશમાં ચાર દિવસ બાદ ફરી કેસનો આંકડો 30 હજારને પાર, એક દિવસમાં આટલા લોકોને ભરખી ગયો વાયરસ

Bansari
Do NOT follow this link or you will be banned from the site!