GSTV
Corona Virus India News Trending

કોરોનાકાળમાં માસ્ક પહેરવાથી કાનમાં થાય છે દુઃખાવો, એક્સપર્ટે જણાવી આ ટીપ્સ

કોરોના

કોરોનાકાળમાં તમામ લોકોની લાઈફસ્ટાઈલમાં ઘણો ફેરફાર થયો છે. માસ્ક આપણા જીવનનું અભિન્ન અંગ બની ગયું છે. માસ્ક લગાવવાથી આપણે સંક્રમણના જોખમથી બચી શકાય છે. જોકે ઓફિસમાં કલાકો સુધી માસ્ક લગાવી રાખવાના કારણે કાનમાં દુખાવો થાય છે. આ ઉપરાંત સૌથી વધુ તે લોકોને સમસ્યા થાય છે જેઓ ચશ્મા પહેરે છે.

માસ્ક પહેરવામાં પણ સમસ્યા

માસ્ક લગાવવાના કારણે ચશ્મા પર ઝાકળ જામી જાય છે, જેના કારણે કામ કરવામા સમસ્યાઓ થતી હોય છે. આ ઉપરાંત ઠંડીની સિઝનમાં લોકોને હેલ્મેટ સાથે માસ્ક પહેરવામાં પણ સમસ્યા થાય છે. ઘણીવાર તેના કારણે અકસ્માતનું જોખમ પણ વધી જાય છે. જો તમે આવી સમસ્યાઓનો સામનો કરી રહ્યાં છો તો અમે તમારી સમક્ષ તેનાથી છુટકારો મેળવવાના ઉપાય રજૂ કરી રહ્યાં છીએ.

ચશ્મા પર નહીં જામે વરાળ

એક્સપર્ટ્સે જણાવ્યું કે, માસ્ક એરટાઈટ ના હોવાને કારણે ચશ્મા પર વરાળ જામી જાય છે. તેનાથી બચવા તમારે નાક આસપાસ બેન્ડેજ ચિપકાવવી જોઈએ. સમગ્ર વિશ્વમાં આ ઉપાય સારો વિકલ્પ બની ગયો છે. અમેરિકન ડૉક્ટર એમ. હેફરમેને પોતાની એક તસવીર ટ્વિટ કરી હતી. જેમા તેમણે જણાવ્યું કે, ‘જો તમે ચશ્મા અને માસ્ક બંને પહેરવા માગો છો તો આ ઉપાય શ્રેષ્ઠ છે.’ આ સાથે જો તમે માસ્કની દોરીને કાપી ટાઈટ કરી લો તો તેનાથી પણ ઘણી રાહત થશે. હંમેશા પહેલા માસ્ક પહેરો અને પછી ચશ્મા. માર્કેટમાં એન્ટી ફોગ ચશ્મા મળવા લાગ્યા છે, જેનો ઉપયોગ કરવાના કારણે માસ્ક પહેરવા પર ચશ્મા પર વરાળ નહીં જામે.

કાનનો દુખાવો દૂર કરવા અજમાવો આ ઉપાય

માસ્ક પહેરવા પર જો તમને કાનમાં દુખાવો થતો હોય તો તમે માસ્કની દોરીને ક્લિપમાં લગાવી વાળમાં ભરાવી શકો છો. આ રીતે તમારું માસ્ક ઢીલું રહેશે અને તમારા કાનને પણ રાહત મળશે.

READ ALSO

Related posts

ટાઈમ મેગેઝિન 100 સૌથી પ્રભાવશાળી લોકોની યાદી જાહેર, ગૌતમ અદાણી, કરુણા નંદી અને ખુર્રમ પરવેઝના નામ સામેલ

Zainul Ansari

સતર્કતા! કોરોના વચ્ચે મંકીપોક્સે વધારી ચિંતા, મુંબઈ એરપોર્ટ પર એલર્ટ

Zainul Ansari

સંશોધનમાં દાવો: અપરિણીત લોકોની હાર્ટ એટેકથી મૃત્યુ થવાની શક્યતા વધુ , તેઓ રોગનો સામનો કરવામાં ઓછા સક્ષમ હોય છે

Zainul Ansari
GSTV