GSTV

સ્ટિવ સ્મિથ ભારત માટે માથાનો દુઃખાવો થશે સાબિત, આ ઓસ્ટ્રેલિયન દિગ્ગજે કરી આગાહી

ભારતીય ક્રિકેટ ટીમ ઓસ્ટ્રેલિયા સામેની સિરીઝમાં રમવા માટે સજ્જ થઈ રહી છે. આઇપીએલની ફાઇનલ બાદ ટીમ સીધી જ ઓસ્ટ્રેલિયા પહોંચી ગઈ હતી. 27મી નવેમ્બરથી ભારત અને ઓસ્ટ્રેલિયા વચ્ચેની વન-ડે સિરીઝનો પ્રારંભ થશે. ભારતે છેલ્લે ઓસ્ટ્રેલિયાનો પ્રવાસ ખેડ્યો ત્યારે વિરાટ કોહલીની ટીમે સિરીઝ જીતી હતી. એ વખતે સ્ટિવ સ્મિથ અને ડેવિડ વોર્નર પર પ્રતિબંધ હતો તેથી તેઓ રમી શકયા ન હતા પરંતુ આ વખતે તેઓ રમવાના છે. ઓસ્ટ્રેલિયન ઓલરાઉન્ડર ગ્લેન મેક્સવેલનું માનવું છે કે સ્મિથ આ વખતે ભારત માટે જોખમી પુરવાર થનારો છે.

સ્ટોઇનિસ શાનદાર ફોર્મમાં છે

ગ્લેન મેક્સવેલે જણાવ્યું હતું કે સ્ટિવ સ્મિથ આ વખતે ભારત માટે માથાનો દુખાવો સાબીત થનારો છે. તેણે દિલ્હી કેપિટલ્સ માટે રમનારા માર્કસ સ્ટોઇનિસની પણ પ્રશંસા કરી હતી. મેક્સવેલે જણાવ્યું હતું કે, સ્મિથના આગમનથી અને સ્ટોઇનિસ જે રીતે રમી રહ્યો છે તે જોતાં કાંગારું ટીમની બેટિંગ મજબૂત બની ગઈ છે. ગ્લેન મેક્સવેલે વર્ચ્યુઅલ પ્રેસ કોન્ફરન્સથી મીડિયા સાથે વાત કરી હતી. તેણે જણાવ્યું હતું કે સ્ટોઇનિસ શાનદાર ફોર્મમાં છે. તેને તક મળશે તો તે સારી બેટિંગ કરશે. દિલ્હી માટે તે આઇપીએલમાં સારી બેટિંગ કરી ચૂક્યો છે.

સિરીઝ દરમિયાન અસર પડવાની નથી

ઇંગ્લેન્ડ સામે છેલ્લે રમાયેલી વન-ડે સિરીઝમાં સ્ટિવ સ્મિથ રમી શક્યો ન હતો પરંતુ હવે તે પરત આવી ગયો છે. તે ભારત સામે ભૂતકાળમાં ઘણા રન ફટકારી ચૂક્યો છે અને આ વખતે પણ મને લાગે છે કે ભારતના બોલર્સ માટે સ્મિથ માથાનો દુખાવો પુરવાર થવાનો છે. આઇપીએલમાં આ વખતે સદંતર નિષ્ફળ રહેલા મેક્સવેલે જણાવ્યું હતું કે, એ ટુર્નામેન્ટના મારા ખરાબ ફોર્મની ભારત સામેની સિરીઝ દરમિયાન અસર પડવાની નથી.

READ ALSO

Related posts

નિયમો સામે પબ્લિકનો સામાજીક જુગાડ…!લગ્નમાં સંબંધ સાચવવા 100 લોકોના ચાર પ્રસંગ

pratik shah

શું તમારે PF એકાઉન્ટમાંથી કાઢવા છે પૈસા? તો રિટર્ન ફાઈલ કરતા સમયે આપો આ જાણકારી, જલ્દી પતશે તમારુ કામ

Ankita Trada

ડિજિટલ કરન્સી બિટકોઈને 2020માં આપ્યું જોરદાર વળતર, શું 2021માં પણ આવી તેજી જળવાશે?

Ankita Trada
Do NOT follow this link or you will be banned from the site!