GSTV
World

Cases
5225893
Active
7111331
Recoverd
569028
Death
INDIA

Cases
301609
Active
553471
Recoverd
23174
Death

મુઝફ્ફરપુર યૌન શોષણ મામલે ડાબેરી પાર્ટીઓ દ્વારા રાજ્યવ્યાપી બંધનું એલાન

બિહારના મુઝફ્ફરપુર ખાતેના બાલિકાગૃહમાં થયેલા યૌન શોષણની ઘટનાના વિરોધમાં ડાબેરી પાર્ટીઓ દ્વારા રાજ્યવ્યાપી બંધનું એલાન આપવામાં આવ્યું છે. બિહાર બંધના એલાનની આખા રાજ્યમાં અસર જોવા મળી રહી છે. આરા, ગયા, જહાનાબાદ, શેખપુરા, નાલંદામાં ડાબેરી પક્ષોના સમર્તકો દ્વારા ટ્રેન રોકવામાં આવી છે. તો ઘણાં સ્થાનો પર સડક પર વાહનવ્યવહાર પણ સંપૂર્ણપણે બાધિત થયો છે. બિહાર બંધ દરમિયાન એઆઈએસએફના કાર્યકર્તાઓએ પટના યુનિવર્સિટીને પણ બંધ કરાવી છે. પટના યુનિવર્સિટીની સાથે જ તમામ કોલેજોને પણ બંધ સમર્થકોએ બંધ કરાવી છે.

આરામાં ડાબેરી પક્ષોના બિહાર બંધની ખાસી અસર જોવા મળી છે. પીરોના લોહિયા ચોક, બિહિયાંના નવોદય વિદ્યાલય વળાંકત, જગદીશપુરના નયકા ટોલા મોડ અને ચરપોખરી બ્લોક પાસે સડક જામ કરવામાં આવી છે. શેખપુરામાં બિહાર બંધના ટેકેદારો દ્વારા હાવડો-ગયા એક્સપ્રેસ ટ્રેનને રોકવામાં આવી છે અને રેલવે ટ્રેકને પણ જામ કરવામાં આવ્યો છે.

બંધના ટેકેદારોમાં ડાબેરી પક્ષો સિવાય આરજેડી અને કોંગ્રેસના કાર્યકર્તાઓ પણ સામેલ છે. તેમણે બિહારન મુખ્યપ્રધાન નીતિશ કુમાર અને તેમની સરકાર વિરુદ્ધ ઉગ્ર સૂત્રોચ્ચાર પણ કર્યા છે. નાલંદામાં આરજેડીના કાર્યકર્તાઓ દ્વારા સડક જામ કરવામાં આવી છે. દરભંગામાં ડાબેરી કાર્યકર્તાઓ દ્વારા ટ્રેન રોકવામાં આવી છે. તો મુઝફ્ફરપુરમાં દુકાનો બંધ છે.

બિહાર બંધ દરમિયાન એઆઈએસએફના કાર્યકર્તાઓએ પટનાના દરભંગા હાઉસથી ડાકબંગલા સુધી વિરોધ માર્ચ કાઢી છે. બિહાર બંધ દરમિયાન ભોજપુરમાં ડાબેરી કાર્યકર્તાઓએ કોઈલવર પુલને પણ જામ કર્યો છે. જેને કારણે બિહારથી યુપી જનારા વાહનોની લાંબી કતારો લાગી છે. બિહાર બંધ દરમિયાન સહરસામાં ડાબેરી પક્ષો અને આરજેડી દ્વારા સડક જામ કરવામાં આવી છે. સહસાના શંકર ચોકને બંધ સમર્થકોએ જામ કર્યો છે.

ભાજપ દ્વારા ડાબેરી પક્ષો દ્વારા આપવામાં આવેલા બિહાર બંધનો વિરોધ કર્યો છે. બાળકીઓ સાથે વધી રહેલી રેપ અને ગેંગરેપની ઘટનાઓ તથા મહિલાઓની સુરક્ષાની માગણી સાથે બિહાર અને કેન્દ્રની સરકારની નીતિઓ વિરુદ્ધ ડાબેરીઓ દ્વારા બિહારના તમામ જિલ્લામાં વિરોધનું એલાન કરાયું છે.

Related posts

પશ્ચિમ-નવા પશ્ચિમના વિસ્તારોમાં વાયરસનો વધ્યો પ્રકોપ, શહેરમાં છેલ્લા 24 કલાકમાં વધુ 152 કેસો નોંધાયા

pratik shah

દિલ્હીમાં કોરોનાની રફ્તાર ધીમી પડી: સતત ત્રીજા દિવસે 2 હજારથી ઓછા કેસ, કામ કરી ગઇ કેજરીવાલની નીતિ

Bansari

સરકારે મકાન તોડી પાડ્યું તો માથાફરેલ માલિકે મચાવી તબાહી, બસ અથડાવી 21ને મોતને ઘાટ ઉતાર્યા

Bansari
Do NOT follow this link or you will be banned from the site!