GSTV
Home » News » આજે પણ જમ્મુ શ્રીનગર હાઇવે બંધ, બરફવર્ષાને કારણે ઠેર ઠેર હિમસ્ખલન

આજે પણ જમ્મુ શ્રીનગર હાઇવે બંધ, બરફવર્ષાને કારણે ઠેર ઠેર હિમસ્ખલન

જમ્મુ અને કાશ્મીરમાં જમ્મુ શ્રીનગર હાઇવે આજે પાંચમા દિવસે પણ બંધ રહ્યો હતો, ત્યારે બરફવર્ષાને કારણે ઠેર ઠેર હિમસ્ખલન થયા હતા. રાજસ્થાનના માઉન્ટ આબુમાં ૦.૪ ડિગ્રી તાપમાન સાથે સમગ્ર રાજ્યમાં તીવ્ર ઠંડી પડી હતી.

રાજસ્થાનના સિકર જિલ્લાના ફતેપુરમાં ૦.૮, દબોક ૩.૪, ચિત્તોડગઢમાં ૩.૫ તાપમાન નોંધાયા હતા.

જમ્મુ અને કાશ્મીરમાં હિમસ્ખલન થતા જમ્મુ-શ્રીનગર નેશનલ હાઇવે ચાલુ કરવામાં અડચણ ઊભી થઇ હતી, અને પાંચમાં દિવસે પણ તે બંધ રહ્યો હતો. હિમસ્ખલનથી વિવિધ વિસ્તારોમાં ફસાયેલા લોકોને વાયુદળના જવાનોએ સલામત સ્થળે ખસેડયા હતા.

હિમાચલ પ્રદેશમાં ભારે બરફવર્ષાને કારણે શાળાઓનું વેકેશન લંબાયું હતું. હવે શાળાઓ ૧૩મી ફેબુ્રઆરીએ ખુલશે. આજે મનાલીમાં માઇનસ બે અને કુફરીમાં માઇનસ  ૦.૫ ડિગ્રી તાપમાન  નોંધાયા હતા.

પંજાબ અને હરિયાણામાં પણ કાતિલ ઠંડીનું મોજું ફરી વળ્યું હતું. અમૃતસરમાં ૪.૬, ભટિંડામાં ૪.૭, આદમપુરમાં ૪.૮ ડિગ્રી તાપમાન નોંધાયા હતા.

પાટનગર દિલ્હીમાં છ ડિગ્રી તાપમાન સાથે તીવ્ર ઠંડી હતી. મહત્તમ તાપમાન ૨૧.૬ ડિગ્રી નોંધાયું હતું. ભેજનું પ્રમાણ ૫૨ અને ૧૦૦ ટકાની વચ્ચે રહ્યું હતું.

Related posts

પાકિસ્તાને સુંદરબનીમાં ફરી કર્યુ સીજફાયરનું ઉલ્લંઘન, ભારતીય સેનાએ આપ્યો જડબાતોડ જવાબ

Nilesh Jethva

મંત્રી બન્યા પછી પણ અધુરી હતી આ ઈચ્છા, તેથી ભુલમાં ધારાસભ્યએ લીધા મુખ્યમંત્રીના શપથ

Kaushik Bavishi

જો તમે તમે ધીમા નેટથી છો પરેશાન, તો આ એપ છે તે સમસ્યાનો ઉકેલ

Path Shah
Do NOT follow this link or you will be banned from the site!