GSTV
Home » News » ભારતના આ રાજ્યમાં મળે છે તીખાં રસગુલ્લાં, કિંમત જાણી નહીં થાય વિશ્વાસ

ભારતના આ રાજ્યમાં મળે છે તીખાં રસગુલ્લાં, કિંમત જાણી નહીં થાય વિશ્વાસ

એકદમ મુલાયમ અને સ્પંજી રસગુલ્લાંનું તો નામ પડતાં જ મોંમાં પાણી આવી જાય. હવે તો માત્ર શહેરો જ નહીં, પરંતુ ગામડાંમાં પણ લગ્નપ્રસંગોમાં તેની ઘણી ડીમાન્ડ જોવા મળે છે. પરંતુ તમે ક્યારેય વિચાર્યું નહીં હોય કે, આ મીઠાં મધુર રસગુલ્લાં તીખાં હોય તો કેવાં લાગે?

વાત સાંભળવામાં થોડી અજીબ લાગે, પરંતુ સત્ય છે, તીખાશનો ઓવરડોઝ આપવા માટે અહીં રસગુલ્લાં સાથે લીલું મરચું પણ આપવામાં આવે છે. આ રસગુલ્લાં વિશે સાંભળીને તમને પણ એમ થશે કે, આવાં રસગુલ્લાં કોણ ખાય. પરંતુ પશ્ચિમ બંગાળના મિદનાપુર વિસ્તારની એક દુકાનમાં સૌથી અનોખાં રસગુલ્લાં મળે છે. આ દુકાનમાં ગરમાગરમ તીખાં રસગુલ્લાં બનાવવામાં આવે છે, અને તેની આ અનોખી સ્ટાઇલના કારણે જ અહીં ગ્રાહકોની ભીડ જામે છે.

આ રસગુલ્લાંને પારંપારિક કરતાં એકદમ ઉલટી રીતે બનાવવામાં આવે છે. ગળ્યાના શોખીન લોકો પણ આ રસગુલ્લાં બહુ મજાથી ખાય છે. મિદનાપુરમાં ચર્ચ સ્કૂલની પાસે આવેલ આ મિઠાઇની દુકાનમાં તીખાં રસગુલ્લાં ખાવા લોકોની ભીડ જામે છે.

આ તીખાં રસગુલ્લાંની શોધ કરનાર અરિંદમ શૉનું કહેવું છે કે, પહેલાં હું પણ, ગોળ, કેસર, હાજમ અને કેરીનાં સામાન્ય રસગુલ્લાં બનાવતો હતો, પરંતુ પછી ખબર પડી કે, લોકોને ટેસ્ટમાં ચેન્જ ગમે છે, એટલે મેં પણ કઈંક હટકે વિચારવાનું શરૂ કર્યું.

આ હટકે સ્ટાઇલનાં રસગુલ્લાંની કિંમત માત્ર 10 જ રૂપિયા છે. સૌથી મહત્વની વાત તો એ છે કે, ડાયાબિટીસનાં દર્દીઓ પણ બિંદાસ ખાઇ શકે છે આ રસગુલ્લાં.

Read Also:

Related posts

જલ્દી કરો! SBI કરતાં પણ વધારે મળી રહ્યુ છે પોસ્ટ ઓફિસના આ ખાતામાં વ્યાજ, લાભ ઉઠાવવાનું ચૂકતા નહી

Mansi Patel

કોંગ્રેસના પૂર્વ ઉપપ્રમુખે આપઘાત કરી પરેશ ધાનાણીને પરિવારનું ધ્યાન રાખવા કહ્યું, પ્રતાપ દૂધાતને કરી આ ભલામણ

Mayur

LRD અંગે સરકારને પત્ર લખનારાઓને નીતિન પટેલનો જવાબ, ‘દરેકે પોતાની જવાબદારીમાંથી છટકવું ન જોઈએ’

Mayur
Do NOT follow this link or you will be banned from the site!